"Paxtakor": Futbolchilarimiz poziciyalari bo'yicha etakchilar safida

Jumladan, darvozabon Aleksandr Lobanov mavsum davomida 13 bor quruq o'yin o'tkazib, bu borada Murod Zuhurov bilan engi yaxshi posbonlarga aylanishdi. Lobanov 2 marta penaltini qaytarib, "So'g'diyona" vakili Mixail Spiridonov bilan bir xil natija qayd etdi.

Himoyachi Adnan Oraxovac mavsum davomida 3 gol urib, himoyachilar orasida 3-natija sohibiga aylandi. 6 marta golli pas bergan Adnan ampluadoshlari ichida eng yaxshi natijaga erishdi. Gol+pas tizimi bo'yicha 9 ochko to'plagan Oraxovac oliy liga himoyachilari o'rtasida etakchiga aylandi. Markaziy himoyada harakat qiladigan futbolchi uchun bu ajoyib natija sanaladi.

Stanislav Andreev yarim himoyachilar ichida 8ta gol urib, sermahsullik bobida yaxshi natijani qo'lga kiritdi. Yana 8 marta golli to'p oshirishni uddalagan Stas oliy ligadagi futbolchilar ichida 3-ko'rsatkichni qayd etdi. SHerzod Karimov hisobida ham shuncha golli to'p oshirish mavjud.

Igor Sergeev esa 23 gol urishdan tashqari 3ta golli pas bergan. Gol+pas tizimida Sergeev mavsumning eng yaxshi futbolchisiga aylandi. Andreev esa bu jihat bo'yicha Gevorkyan va Hamdamov bilan birga 4-natijaga erishdi. Ular jami 16 ball jamg'arishgan.