O'zbekiston U-16 bugun Turkiyada Saudiya Arabistoni bilan o'ynaydi

15 iyul kuni Turkiyaga jo'nab ketgan O'zbekiston U-16 o'smirlari bugun turnirdagi ilk o'yinini Saudiya Arabistoni U-16 o'smirlariga qarshi o'tkazadi. SHu yilning sentyabr oyida Tailandda bo'lib o'tadigan U-16 o'smirlar o'rtasidagi OCH bahslariga tayyorgarlik ko'rayotgan O'zbekiston U-16 o'smirlar terma jamoasi rejaga ko'ra Turkiyada jami to'rt uchrashuvda maydonga tushadi.

Saudiya Arabistoniga qarshi o'yindan tashqari Mochinov shogirdlari 20 iyul kuni Iordaniya, 22 iyul kuni Qatar va 24 iyul kuni BAA o'smirlariga qarshi o'ynashi rejalashtirilgan.

Eslatib o'tamiz, O'zbekiston U-16 o'smirlar terma jamoasi 2-11 iyul kunlari Toshkentda yig'in o'tkazishgan va JAR stadionida Ummon U-16 o'smirlar terma jamoasiga qarshi ikkita o'rtoqlik uchrashuvida maydonga tushgan edilar. Terma jamoalar o'rtasidagi ilk uchrashuvda O'zbekiston U-16 o'smirlari 2:0 hisobida g'alaba qozonishgan bo'lsa, o'zaro ikkinchi o'yinda Ummon o'smirlari 2:1 hisobida g'alaba qozondi.