O'zbekiston MTJ Maldiv orollariga qarshi o'yin oldidan navbatdagi mashg'ulotini o'tkazdi+Rustam Ashurmatovdan intervyu

O'zbekiston milliy terma jamoasi "Navbahor" zaxira maydonida Maldiv orollariga qarshi tayyorgarlikni davom ettirmoqda. Bugungi yig'in odatdagidan biroz kechroq, salqin ob-havo sharoitida o'tkazildi. Mashg'ulotlarda barcha futbolchilar to'liq ishtirok etdi. Terma jamoa himoyachisi Rustam Ashurmatov bo'lajak o'yin haqidagi fikrlari bilan o'rtoqlashdi. 

- Ertangi o'yinda maydonga faqat g'alaba uchun chiqamiz. Raqibni hurmat qilgan holda o'z o'yinimizni ko'rsatgan holda g'alabaga erishishga harakat qilamiz. 

- Kelgusi bahsda himoyachilarni kamaytirgan holda ko'proq hujumchilarni tarkibda ko'rishimiz mumkinmi? Murabbiy taktik o'zgarishlar qilish niyati bormi?

- Tarkib haqida murabbiy ko'proq bosh qotiradi, shu bois barchasini u hal qiladi. Tarkib qanday bo'lishidan qati nazar, hujumkor o'yin namoyish etishga hamda yirik hisobda zafar quchish uchun borimizni beramiz. 

- Murabbiy raqib jamoaning alohida xususiyatlari haqida ko'rsatmalar berdimi?

- Albatta, barcha raqiblar o'rganilmoqda va shunga yarasha tayyorgarlik ko'rilmoqda. Bizga video orqali raqib o'yini ko'rsatiladi hamda ularga qarshi qanday o'yin namoyish etish kerakligi to'g'risida ko'rsatmalar beriladi. 

- Jamoa ichidagi muhit qay darajada?

- Jamoada muhit ajoyib, barchamiz bir-birimizni taniymiz. Yig'ilish davomida uchrashganimizda xursand bo'lamiz, hazillar qilamiz.

Bugungi mashg'ulotga oid barcha qiziqarli suratlari GALEREYA bo'limi orqali tomosha qilishingiz mumkin.

Foto: Tolibjon Qosimov

Bugungi mashg'ulotga oid barcha qiziqarli suratlari GALEREYA bo'limi orqali tomosha qilishingiz mumkin.