OFK nazoratchilari o'zbekistonlik hakamlarning o'yinini kuzatishadi
11 iyu 2014 19:38
Yangiliklar

OFK nazoratchilari o'zbekistonlik hakamlarning o'yinini kuzatishadi

Osiyo Futbol Konfederaciyasi hakamlar departamenti nazoratchilari OFK tasnifiga kiruvchi musobaqalarni boshqarib borish uchun nomzodlarning o'yinini kuzatish uchun O'zbekistonga tashrif buyuradi.

O'zbekistonlik FIFA referilari - SHerzod Qosimov hamda Aziz Asimov shu yilning avgust oyida OFK nazoratchilarining kuzatuvidan o'tadilar. Takidlash joiz, har ikkala o'zbekistonlik referilar OFK tomonidan tashkil etilgan o'quv seminaridan muvaffaqiyatli o'tgan va imtihonlarning so'nggi bosqichiga yo'l olgan edilar.

FIFA referilari SHerzod Qosimov va Aziz Asimovlar Futbol bo'yicha O'zbekiston Oliy Ligasining 15-turidan o'rin olgan uchrashuvlarda OFK nazoratchilari kuzatuvida bo'ladilar. OFK Hakamlar departamentidan tashrif buyuradigan mutaxassislar ikkala hakammning o'yinlarini kuzatishadi va ularni baholashadi. Mazkur o'yinlarda o'zbekistonlik referilar OFK nazoratchilari tomonidan yuqori baholanishsa, kelasi yildan boshlab OFK tasnifiga kiruvchi musobaqalarni boshqarib borish huquqini qo'lga kiritadilar.

Havola :

Manba : the-uff.com

Yangiliklarni Telegramda o'qing!

Reyting: