"Obod" murabbiylar shtabida o'zgarishlar

Xususan, "Obod"ning oliy ligaga chiqishida katta hissa qo'shgan yosh mutaxassis, ushbu mavsumning ikkinchi qismida o'rinbosar tarkibini boshqargan Bobur Zuhriddinov o'z xohishiga ko'ra, klubni tark etdi. Zuhriddinovning o'zi "poytaxt klublaridan taklif bo'layotganini aytib, istefoga chiqishini" bildirdi. Jamoamiz rahbariyati iqtidorli murabbiyga omad tilagan holda do'stona xayrlashdi. Bo'shab qolgan o'ringa boshqa murabbiylar bilan muzokaralar boshlab yuborildi.

Avval xabar berganimizdek, asosiy jamoaga Rauf Inileev bosh murabbiy etib tayinlangan edi. O'tgan mavsumning ikkinchi qismida "Obod"ni boshqargan Jafar Irismetov endi Rauf Talgatovichga yordam beradi. Qolaversa, tajribali Anvar G'ofurov o'ynovchi murabbiy sifatida Inileev va Irismetovga ko'maklashadi. Darvozabonlar murabbiyi esa, Igor Mixaylov.

Tayyorgarlik reja asosida davom etmoqda. Kecha va bugun ikki mahaldan mashg'ulot o'tkazgan jamoamiz ertaga bir mahal shug'ullanadi. Indinga, yani, 28 dekabr kuni jamoa azolari ikki tarkibga bo'lingan holda o'zaro uchrashuvda maydonga tushadi. Mazkur bahs "Obod" stadionida bo'lib o'tadi. SHundan so'ng jamoa azolari yangi yil tatiliga chiqadi.

Bobur Zuhriddinov "Obod" bilan xayrlashdi

Bobur Zuhriddinov: “Obod” jamoasini tark etganim rost”