Nikola Lazarevich: "5-6 ta jamoa yuqori o'rinlar uchun kurashmoqda"

- O'yin haqida

- Avvalo, yigitlarimizni g'alaba bilan tabriklamoqchiman. Oxirigacha harakat qildik. Raqib ham hisobni o'zgartirish uchun so'nggi daqiqalargacha kurashdi. 

O'yinga kelsak, qo'qonliklar bizga syurpriz tayyorlashdi. Boshida qiyinchilikka uchradik. Hammasini boshqatdan boshlashga va ayrim nuqtalarda o'zgartirish kiritishimizga to'g'ri keldi. Birinchi golni va ketidan ikkinchi, uchinchi golni urdik. Mezbonlar xarakter ko'rsatishdi. 

Agar penalti belgilanganida, bizga qiyin bo'lardi.

- "Qizilqum" taktikangiz asosida g'alaba qozondi. Birinchi taymda yaxshi o'ynadi, ammo ikkinchi taymda qo'qonliklar yaxshi ko'rinishdi. Bosh hakam Ilya Ilin ayrim vaziyatlarda xato qarorlar chiqardi, 2 ta penaltini bermaganday ham tuyuldi. Siz bu borada nima deya olasiz?

- Bilasizmi, men buni izohlab bera olmayman. Murabbiy hakam qarori bo'yicha fikr bildirsa, unga jarima qo'llanishi mumkin. Fikrimcha, bir holatda penalti bor edi. Ammo buni videolavhada ko'rib chiqishim kerak. To'g'ri, ikkinchi taymda "Qo'qon-1912" yaxshi o'ynadi. Biz 3:0 dan keyin himoyalanishga etibor qaratdik. Mezbonlar gol urishga harakat qilishdi, lekin bizda ham vaziyatlar yuzaga keldi. Umuman, bizga omad keldi va yutdik.

- G'alabadan keyin "Qizilqum"ning ochkosi 20 ga etib, etakchilar qatoriga ko'tarildi. Jamoa mavsum oxirigacha yuqori o'rinlarda qoladimi, bunga kuchi etadimi?

- Ha. Men ushbu bahs oldidan "Qizilqum" futbolchilari bilan natijalarimiz bo'yicha gaplashib olgandim. 5-6 ta jamoa yuqori o'rinlar uchun kurashmoqda. Ko'ramiz, mavsum oxirida qanday ko'rinish hosil bo'larkan. Biz qadamma-qadam yuqorilab boryapmiz. Har doim yigitlarga kamroq xato qilishimiz kerakligi haqida aytaman. SHunda bizda muammo kuzatilmaydi. Aytishim mumkinki, "Qizilqum" yuqori o'rinlar uchun kurashadi.

- Jamoa etakchilari Oleg Zoteev va Erkin Baydullaev "Paxtakor" bilan o'yingacha safga qaytadimi?

- O'ylashimcha, ular "Paxtakor" bilan o'yinda maydonga tushishga tayyor bo'lishadi. Murabbiylar shtabi bilan kelishgan holda bir qarorga kelamiz.