"Neftchi" xalqaro o'rtoqlik uchrashuvida Tojikiston klubini yirik hisobda taslim qildi
25 mar 07:00
Yangiliklar

"Neftchi" xalqaro o'rtoqlik uchrashuvida Tojikiston klubini yirik hisobda taslim qildi

Superligada davom etayotgan tannafusdan unumli foydalanib, o'rtoqlik nazorat uchrashuvlarini rejalashtirgan "Neftchi" kecha ikkinchi xalqaro bellashuvida ishtirok etdi.

Bu safar Tojikiston oliy divizion vakili "Xo'jand" klubi "Neftchi"ga raqiblik qildi. Birinchi bo'lim deyarli teng kurashlar ostida kechayotgan va jamoalar tanaffusga durang natija bilan yo'l olishadi, deya xulosa chiqarib turgan muxlislar sahnaga ruminiyalik Mixay Roman kirib kelishiga guvoh bo'ldilar. 33-daqiqada jarima to'piga ega bo'lgan vakillarimiz zarbani ijro etishni Mixay Romanga ishonib topshirishdi va futbolchi jonli devor ustidan yo'llagan zarbasi chiroyli tarzda darvoza to'ridan joy egallab, farg'onaliklarni hisobda ollinga olib chiqdi 1:0. Ushbu minimal hisob tanaffusga qadar o'zgarmadi.

Ikkinchi bo'limda murabbiylar zaxirada bo'lgan barcha o'yinchilarni maydonga tushirdilar va ular tomonidan 47-daqiqada tashkil etilgan chiroyli kombinaciya natijasida to'pga egalik qilgan G'ulomhaydar Gulyamov yaqin masofadan mehmonlar darvozasiga zarba yo'llab, ikkinchi to'pni kiritdi 2:0. Kiritilgan goldan so'ng o'yinda tashabbus to'laligicha mezbonlar tomoniga o'tdi va bir-biridan chiroyli kombinaciya va hujumlar uyushtirilishi oqibatida 81-daqiqaga kelib Bilolxon Toshmirzaevning driblingi va olisdan kuchli zarbasi tablodagi hisobni 3:0 ga o'zgarishiga sabab bo'ldi. Ushbu hisob o'yin oxirigacha saqlanib qoldi va "Neftchi" o'rtoqlik bellashuvida yirik g'alabaga erishdi.

O'RTOQLIK UCHRASHUVI
24 mart "Istiqlol" stadioni
"Neftchi"-"Xo'jand" 3:0
Gollar: Mixay Roman, 33'(1:0), G'ulom-Haydar Gulyamov, 47'(2:0), Bilolxon Toshmirzaev, 81'(3:0)

"Neftchi":

(Birinchi bo'lim)
35.Sanjar Quvvatov, 4.Boyan Ciger, 21.Muxsin Ubaydullaev, 20.Anvar G'ofurov, 70.Abbos G'ulomov 19.Mirzoxid G'ofurov, 8.Ketelin Karp, 23.Diyor Turopov 11.Javoxir Qaxramonov, 99.Nsungusi Effiong, 18.Mixay Roman.

(Ikkinchi bo'lim)

35.Sanjar Quvvatov, 3.Jaloliddin Jumaboev, 21.Muxsin Ubaydullaev (s), 14.Xurshid Muxtorov, 27.Muxammadali Xolmatov (33.SHoxrux Yoqubjonov 70), 66.Doniyor Valiev, 17.Sanjar Qodirqulov, 24.G'ulomhaydar Gulyamov, 10.SHoxruz Norxonov, 28.Bexruz Oblakulov, 77.Bilolxon Toshmirzaev.