"Navbahor" O'zbekiston MTJ sobiq darvozabonini o'z safiga qo'shib oldi

"Tajribali darvozabon Aleksandr Lobanov “Navbahor” bilan shartnoma imzoladi.  

Lobanov 1986 yil, 4 yanvar kuni Toshkent shahrida tug'ilgan. Futbolchilik faoliyati davomida “So'g'diyona” (Jizzax, 2005-2006 yillar), “Qaysar” (Qizilo'rda,Qozog'iston, 2007 yil), “Akjayik” (Uralsk, Qozog'iston, 2008 yil), “Buxoro” (Buxoro, 2009-2010 yillar), “Aral” (Nukus, 2011 yil), “Paxtakor” (Toshkent, 2012-2015 yillar, 2016 yilning 2-davrasi – 2018 yil), “Metallurg” (Bekobod, 2019–2023 yillar) jamoalari darvozasini qo'riqlagan.

O'zbekistonning 3 karra chempioni (2012, 2014-2015 yillar), shuningdek, milliy chempionatimizning kumush (2018 yil) va bronza (2017 yil) medallari sohibi.

Bundan tashqari, Eron chempionati kumush medalini qo'lga kiritgan (2016 yil).

2015-2017 yillarda O'zbekiston milliy terma jamoasi sharafini himoya qilgan. 

Biz Aleksandr Lobanovga “Navbahor”dagi faoliyatida omad yor bo'lib, “lochinlar”ning g'alabalariga munosib hissasini qo'shishiga tilakdoshmiz", — deyiladi klub xabarida.