"Navbahor": Jizzaxdagi o'yin 18.00da boshlanadi

Kecha PFL “So'g'diyona” o'yingohida bo'lib o'tadigan uchrashuvni boshqaradigan hakamlar brigadasini elon qildi. Bugun esa Jizzaxdagi o'yinni boshlanish vaqtiga ham oydinlik kiritildi. Xususan, 22 avgust ikuni “So'g'diyona” o'yingohida bo'lib o'tadigan bahs soat 18.00da boshlanishi malum qilindi. Bir kun oldin yoshlar o'rtasida o'tkaziladigan o'yin esa soat 17.00da “So'g'diyona” jamoasi qarorgohi maydonida boshlanadi. Eslatib o'tamiz, mazkur uchrashuvga Toshkentda tayyorgarlik ko'rayotgan jamoamiz azolari Jizzax shahriga 21 avgust kuni etib borishadi.