"Navbahor": 12- turga tayyorgarlik qizg'in

Bugun ham mashg'ulotlar "Barkamol avlod" o'yingohida o'tkazildi. Tarkibdagi yo'qotishlarga to'xtaladigan bo'lsak, faqatgina himoyachi Temur Yafarov oyog'idagi jarohat tufayli jamoa bilan shug'ullanmadi. Safga qaytganiga ikki xafta bo'lgan yarim himoyachi G'ayrat Jo'raev esa yakka tartibda individual dastur asosida mashqlar bajardi. Avvalgi bellashuvlarni jaroxat sababli qoldirib yuborgan Mansur Saidov umumiy guruh bilan birga tayyorgarlik olib bordi. Jamoadagi muhit alo darajada ekanligini futbolchilarning quvnoq kayfitidan payqash qiyin emas.

Zohid Nurmatov va Mustafo Bayramov boshchiligida o'tgan mashg'ulot jarayoni asosan etibor hujum tashkil etish va darvozaga aniq zarba berishga qaratildi. SHundan so'ng tarkib ikkiga bo'linib, ikki marotaba to'pga teginish sharti bilan o'zaro o'yin o'tkazildi. "Ko'klar" hamda "Qizillar" o'rtasida kechgan bahsda 4:2 hisobida qizil rangli ekipirovka kiygan jamoa qo'li baland keldi. Gollarga Alisher Mahmudov (ikkita), Abdumalik Abdullaev, Otabek Valijonov, Sobir Hamidov hamda SHahboz Erkinovlar mualliflik qilishdi.

"Ko'klar": Xurshid Xo'jaev, Toxir SHamsiddinov, Durbek Umaraliev, SHukurali Po'latov, Azam Aliev, Robbim Hasanov, Mansur Saidov, Elyor Jahonov, Azim Ahmedov, Sobir Hamidov, SHahboz Erkinov,   
"Qizillar": Doniyor Usmonov, Botir To'raboev,  Yuriy Rijko, Rahmatullo Berdimurodov, Baxtiyor Yoqubov, Otabek Valijonov, Alisher Mahmudov, Ilhom Boydedaev, Sohib Abdullaev, Abdumalik Abdullaev

"Olmaliq"qa qarshi o'yin 14 iyun (shanba) kuni "Markaziy" o'yingohimizda soat 18.30 da boshlanadi.