"Nasaf" klubi tizimida o'zgarish: sport direktori "Andijon"ga ketdi, yangi nomzod aniq

O'z vaqtida "Nasaf" safida to'p tepgan sobiq himoyachi Nikolay Minchev Vitaliy Nidan keyin malum vaqt klubda sport direktori lavozimida ishladi.

Xabaringiz bor, ko'p yillar "Nasaf"da sport direktori bo'lib ishlagan Vitaliy Ni o'tgan yili SHamil Yarulin menejerlikdan ketganidan so'ng klubni tark etgandi. Vitaliy Ni "Nasaf"dan ketib "Qo'qon-1912" klubida ish boshlagandi. Kuni kecha "Nasaf"ni tark etgan yana bir sport direktori ham vodiydan qo'nim topdi.

Yaqindagina "Andijon"ga bosh murabbiy etib tayinlangan Aleksandr Xomyakov Nikolay Minchevni o'z oldiga chaqirdi va ukrainalik mutaxassis klubda sport direktori lavomizida ish boshlashi kutilmoqda.

"Nasaf"da bo'shab qolgan sport direktori lavozimiga klub tizimida ko'p yillardan buyon xizmat qilib kelayotgan tajribali mutaxassis Yunus Nabiev qo'yilishi kutilmoqda. Oxirgi yillarda marketing va matbuot xizmati bo'limlarini boshqargan Yunus Nabiev endilikda sport direktori lavozimiga o'tirishga asosiy nomzod.