Murod Ismoilov: “Finalda qaysi jamoa g'alaba qozonsa ham yakunda futbol yutadi”

SHu munosabat bilan bilan saytimiz xodimlari o'zbek futbolida faoliyat olib borayotgan taniqli mutaxassislardan bugungi final haqida fikr va mulohazalar olishmoqda. Jumladan, hozirda Quvasoyning “Cementchi” klubida ishlab kelayotgan farg'onalik tajribali murabbiy Murod Ismoilovning fikrlari etiboringizga havola etiladi.

“Har ikki jamoa ham finalga qadar mashaqqatli yo'lni bosib o'tishdi”, - deya so'z boshladi Murod Ismoilov. “Navbahor”ning ham, “Andijon”ning ham aynan kubok doirasidagi natijalarini yuqori baholayman. Og'ir o'yinlarda kuchli va qiyin raqiblardan o'tib, ushbu final bosqichiga qadar etib kela olishdi.

Bevosita guvoh bo'layapmiz, O'zbekiston kubogi final uchrashuvi uchun tayyorgarlik jarayoni va etibor yuqori saviyada tashkil etilmoqda. Xususan, har ikki viloyat hokimlari, shuningdek Farg'ona viloyati hokimligi ham mazkur finalga katta etibor qaratmoqda. Bilasizmi, “Navbahor”ning ham, “Andijon”ning ham muxlislari atrofda etarlicha nom qozonishgan. SHu boisdan ham kurash nafaqat maydonda, balki tribunalarda ham davom etadi. Bugun bizni juda qiziqarli final, katta atmosferali o'yin kutayapti. Bugun qaysi jamoa g'alaba qozonishidan qatiy nazar yakunda futbol g'alaba qozonadi” - deb so'zlarini yakunlandi tajribali mutaxassis.