U-17 Jahon chempionati. Osiyodan uchta jamoa qoldi
18 noy 12:04
Yangiliklar
U-17 Jahon chempionati. Osiyodan uchta jamoa qoldi
1/8 final juftliklari quyidagicha ko'rinish olgan:
17:30. Italiya - O'zbekiston
17:30. Uganda - Burkina Faso
18:00. Meksika - Portugaliya
18:30. Braziliya - Franciya
18:45. Shveycariya - Irlandiya
20:15. KXDR - Yaponiya
20:45. Avstriya - Angliya
20:45. Marokash - Mali
Musobaqaning hozirgi bosqichiga kelib Osiyodan faqat uchta jamoa qoldi. Aslida 9ta jamoa ishtirok etishni boshlagandi. Bular - Qatar (mezbon), Indoneziya, Yaponiya, KXDR, Janubiy Koreya, Saudiya Arabistoni, Tojikiston, BAA va O'zbekiston.
O'zbekiston U-17 o'smirlar terma jamoasi o'z ishtirokini davom ettirmoqda. Vakillarimiz o'tgan bosqichda Xorvatiyani penaltilar seriyasida mag'lub etishdi. Bugun esa yana bir jiddiy bahs kutmoqda. Osiyoning keyingi ikkita jamoasi - KXDR va Yaponiya bugun o'zaro raqib bo'ladi. Bu degani qitamizning qaysidir vakili bugun turnir bilan xayrlashadi.
KXDR 1/16 finalda Venesuela bilan o'ynab 2:1 hisobida g'alaba qozongan holda nimchorak finalga yo'l oldi. Yaponiya U-17 esa o'tgan bosqiyada JAR o'smirlariga hech qanday imkoniyat qoldirmay 3:0 hisobida zafar quchdi.
Boshqa jamoalar bilan nima sodir bo'ldi?
Qatar U-17. Uchta o'yinda ikki ochko to'plab o'z ishtirokini guruh bosqichida tugatdi. Qatar o'smirlar terma jamoasi avvaliga Italiyaga mag'lub bo'ldi va JAR, Boliviya termalari bilan durang o'ynadi.
Indoneziya U-17. JCHdagi ishtirokini guruh bosqichida yakunladi. Indoneziya o'smirlari Zambiya va Braziliya bilan o'yinlarda mag'lubiyatga uchrab, Gondurasni mag'lub etdi va uch ochko bilan o'z ishtirokini guruhda tugatdi.
Janubiy Koreya U-17. Koreyaliklar guruh bahslarini yaxshi o'tkazishdi. Avvaliga Meksika mag'lub etilgan bo'lsa, so'ngra Shveycariya bilan durang qayd etildi va guruhning oxirgi bahsida Kot-D.I'vuar ustidan ham zafar quchildi. Ammo Janubiy Koreya o'tgan bosqichda Angliyaga 0:2 hisobida imkoniyatni boy berib musobaqa bilan xayrlashdi.
Saudiya Arabistoni U-17. Saudiyalik o'smirlar ham guruhdan chiqa olishmadi. Bu jamoa avvaliga Avstriyaga yutqazib, so'ngra Yangi Zelandiyani mag'lub etishning uddasidan chiqdi. Lekin Mali bilan kechgan oxirgi turda yana imkoniyat boy berildi. Natijada Saudiya Arabistoni U-17 terma jamoasi 3 ochko bilan guruhda qolib ketdi.
Tojikiston U-17. Afsuski, yon qo'shnimiz o'smirlar terma jamoasi guruhdagi hamma o'yinlarda mag'lubiyatga uchradi. Tojikiston ham yaxshi qatnashsa kerak degan taxminda edik, biroq Chexiya, AQSH va Burkina Faso bilan o'yinlarda imkoniyat boy berildi.
BAA U-17. BAA o'smirlar terma jamoasi ham guruh bosqichidan so'ng musobaqa bilan xayrlashdi. Avvaliga Kosta Rika bilan durang o'ynagan arablar keyingi turda Xorvatiyaga 0:3, oxirgi uchrashuvda esa Senegalga 0:5 hisobida mag'lub bo'lishdi.
Shunday qilib, U-17 Jahon chempionatini Osiyoning 6ta jamoasi turli sabablarga ko'ra tark etdi. Bugun bo'lib o'tadigan KXDR - Yaponiya bahsidan keyin yana bir qitadoshimiz kichik mundial bilan xayrlashadi. Biz esa O'zbekiston U-17 terma jamoamiz Italiyani mag'lub etib chorak finalga chiqishini xohlaymiz. Futbolchilarimizga omad yor bo'lsin.
Xayrulla Xoliqov
O’xshash yangiliklar
championat.asia
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Португалия ЖЧ йўлланмасини қўлга киритганидан сўнг Роналду қисқа фикр билдирди
"Шармандалик, бу шармандалик!"
Fikrlar