"Mashal" - "Paxtakor" o'yini oldidan

Muborakda bo'lib o'tadigan mazkur bahsni ahamiyat juda ham yuqori. "Mashal" safardagi mag'lubiyatdan so'ng o'z maydonida muxlislarni xursand etishni istaydi, "Paxtakor" uchun esa qolgan har bir bahs chempionlik uchun o'tadi. SHu bois mazkur to'qnashuv turning eng qiziqarli bahslaridan biri bo'lishi kutilmoqda. O'yinni Rustam Bobomurodov boshchiligidagi hakamlar guruhi boshqarib borishi haqida xabar bergan edik. Bu uchrashuvda "Mashal" safida yo'qotishlar bor. Ogohlantirishlari soni 4 taga etgani bois Dilyaver Abibullaev maydonga tusha olmaydi. Unda tashqari SHohruh Dostonov va Abbos Omonovlar uchun ham mavsum yakunlandi. Har ikki futbolchimizda ham jarohat bor. Humoyun Murtozaev esa safga qaytgan.

Bugun yana bir qiziqarli o'yin bo'lib o'tadi. Bu yoshlar ligasi doirasida bo'lib , bu o'yin ham medallar taqdirini hal qiladi. Bugun qo'lga kiritiladigan g'alaba yoshlarimizga medallar taqdim etishi mumkin. "Paxtakor" yoshlari esa chempionlik uchun kurashni davom ettirish imkoniyatiga ega. SHu bois yoshlar ligasi o'yini ham murosasiz kechadi. Bu bahsda Muhammadali Aliqulov "Mashal" safida ogohlantirishlari soni 4 taga etgani bois maydonga tusha olmaydi.

Eslatib o'tamiz, "Mashal" - "Paxtakor" yoshlari uchrashuvi bugun 15:00 da ikkinchi maydonda, ertaga asosiy tarkib jamoalar o'yini esa 16:00 da asosiy maydonda start oladi.