Marat Bikmaevning xunuk xatti-harakatini Tartib-intizom qo'mitasi ko'rib chiqadi

Uchrashuv vaqtida “Lokomotiv” jamoasi futbolchisi Marat Bikmaev tomonidan odob-ahloq qoidalariga mos kelmaydigan xatti-harakat amalga oshirildi. O'yinchi butun o'zbek futboli jamoatchiligi diqqat-markazida turgan uchrashuv vaqtida qo'li bilan xunuk harakat ko'rsatdi va bu holat o'yinni tomosha qilayotgan ko'psonli ishqibozlar tomonidan salbiy qabul qilindi. Mazkur xunuk xatti-harakat raqib jamoa muxlislari tomon qaratilgan bo'lishi ham mumkin.  

Professional futbol ligasi Marat Bikmaev tomonidan amalga oshirilgan ushbu harakatni inobatga olib qo'ydi. Tez orada Tartib-intizom qo'mitasi ushbu holatni atroflicha o'rganib chiqadi.