Mak Allister tig'iz grafik haqida: "Kloppning taktika bo'yicha mashg'ulotlarida uxlab qolay dedim"

"Liverpul" klubi futbolchisi Aleksis Mak Allister mavsumdagi juda tig'iz taqvimni tanqid qildi. Bundan tashqari "Manchester Siti" bilan o'yindan keyingi fikrlarini bildirdi.

"To'g'risini aytsam, bunaqa rejimda o'ynash juda qiyin bo'lyapti. "Man Siti"ga qarshi o'yindan oldin murabbiy qanday uslubda o'ynashimiz kerakligi haqidagi taktik mashg'ulot o'tkazdi. Men esa o'sha erda uxlab qolay dedim.

Bu juda qiyin. Vaqt mintaqalarining o'zgarishi, uzoq parvozlar – vaziyat shunday. "Siti"ga qarshi o'yin juda qiyin bo'ldi. Ular kuchli jamoa. Natija adolatli bo'ldi. Raqib to'p bilan ko'proq muomala qildi, ammo vaziyat yaratishda unchalik ham ustunlikka erishishmadi", -deydi Aleksis Mak Allister.