Luis Kachorri: "Mavsum davomida imkon qadar ko'proq gol urmoqchiman. To'xtashni xohlamayman"

"Yaxshi o'yin bo'ldi, biz ham yaxshi o'ynadik. Men gol urdim, menda hammasi joyida. Qisqa qilib aytganda, o'ynadik, imkoniyatlar yaratdik, gollar urdik, bundan xursandman.

Men o'z kuchimga ishonaman va shunga yarasha harakat qilaman. Olisdan zarbalar yo'llash borasida bu safargi urinishlarim yaxshi chiqdi. Yana shunday tarzda chiroyli gollar urishga umid qilaman, chunki jarima maydonidan tashqarisidan gol urish tariflab bo'lmas darajada his-tuyg'u bag'ishlaydi.

Penalti tepish bo'yicha qarorga kelsak, murabbiy Imedani tanladi va men bu qarorni hurmat qilaman. Ehtimol, keyingi safar bu masuliyatli vazifani yana menga ishonishar. Penalti tepadigan futbolchini murabbiy belgilaydi va biz uning qaroriga hurmat bilan yondashamiz.

Mavsum davomida imkon qadar ko'proq gol urmoqchiman. Keyingi o'yindan boshlab yana gol urmoqchiman. To'xtashni xohlamayman", dedi uchrashuvda dubl qayd etgan hujumchi.

Eslatib o'tamiz, "Bunyodkor"ning albaniyalik hujumchisi uch o'yinda 4 ta gol urgan holda to'purarlar jadvalida etakchilik qilmoqda.