Kavanining onasi PSJ rahbariyatini ochiqdan-ochiq tanqid qildi

Ispan klubi allaqachon 3 bor hujumchining xaridi bo'yicha PSJga taklif yuborgan. PSJ ularning hammasiga rad javobini bergan, ammo shu bilan birga uni kam o'ynatmoqda.

"U "Atletiko"ga o'tishni juda ham xohlamoqda. Agar hozir bo'lmasa, yozda. Biz buni anchadan beri xohlaymiz. Biz bir necha bor Ispaniyada bo'lganmiz va klub rahbariyati bilan gaplashganmiz.

Men umuman tushunmayapman, 6 daqiqa o'ynashga beradida, necha PSJ uni qo'yib yubormaydi. Edinson bu klubga juda ko'p narsa berdi va hozir u bilan yaxshi munosabatda bo'lishmayapti.

Agar u sizga kerak bo'lmasa, Kavaniga ehtiyoj sezayotgan va o'zi xohlayotgan jamoaga qo'yib yuboring. Edinson psixologik jihatdan yaxshi holatda, ammo klubdagilar unga nima uchun to'sqinlik qilishayotganini tushunmayapti", - deydi o'yinchining onasi Berta Gomes.

Eslatib o'tamiz, Kavanining PSJ bilan tuzgan shartnomasi shu yilning yozida yakuniga etadi. U shundan so'ng erkin agentga aylanadi.