Karrager: "Manchester Siti" - ECHL favoriti. "Liverpul" chiqib ketdi, "Barselona" esa oldingidek emas"

"Bu vaqt ichida asosiy etibor oxirgi 30 yillikda birinchi bor mamlakat chempionligini qo'lga kiritishni xohlayotgan klubga qaratildi. Lekin, o'zining 140 yillik tarixida ilk bor Evropaning eng nufuzli musobaqasida g'olib chiqishni maqsad qilgan jamoani ham unutmaslik kerak.

APLda mavsum tiklanishidan qaysi klublar ko'proq yutadi degan muhokamalar fonida "Man Siti" diqqat-markazdan chetda qoldi. Balki, bu Gvardiolani qoniqtirar.

"Siti" hammadan ham ko'proq CHempionlar ligasini qo'lga kiritishni xohlamoqda.

G'olib chiqish uchun asosiy to'siq "qoqildi" - "Liverpul". Men CHempionlar ligasida "Manchester Siti"dan yaxshiroq jamoani ko'rmayapman. Yoki "Liverpul" va "Tottenxem"ga o'xshash klubni ham. Oxirgi ikki yilda aynan shu jamoalar Gvardiolaga halaqit qilishdi.

PSJ, "Barselona" va "Bavariya" asosiy xavf. Lekin, PSJda juda ham jiddiy muammo bor. Ular o'z chempionatlarida birorta ham o'yin o'tkazmasdan ECHLga qaytishadi. "Barselona" oldingidek emas, bunga ularning "Roma" va "Liverpul"dan engilishgani ham isbot bo'la oladi.

"Siti" uchun eng xavfli raqib - Gvardiolaning sobiq klubi. "Bavariya"ga Bundesliganing qolganlardan ertaroq boshlangani ham foyda bo'ladi. Lekin, men "Siti" kuchliroq ekanligiga ishonaman.

"Manchester Siti" - mening favoritim. Bu g'alabani boshqa kimdir ulardan ham ko'ra ko'proq xohlayotganiga shubham bor", - dedi Karrager.