Jorjino: "CHelsi"da birdaniga asosiy tarkibda o'ynashimga sabab Sarri bo'lgandi"

"O'zim o'ynagan barcha jamoalarda asosiy tarkib uchun kurashganman. Faqatgina "CHelsi"ga men asosiy futbolchi sifatida borganman, chunki u erda meni biladigan Mauricio Sarri bosh murabbiy edi. Menga bunday chaqiruvlar yoqadi. Albatta, o'zim ham boshqa futbolchilar kabi g'alabalarga katta hissa qo'shishni istayman. Barcha futbolchiga o'zini ko'rsatish uchun vaqt beriladi.

Bu hali chempionatning boshlanishi. Oldinda qilishini kerak bo'lgan ishlar ko'p va bu oson bo'lmaydi. Hotirjamlikni saqlab qolish, chin yurakdan mehnat qilish kerak. APLda oson ish bo'lmaydi. Ko'ramiz, oxiri qanday yakunlanarkin. Bizda imkoniyatlar yaxshi, tarkib ham", - dedi Jorjino.