Ixtiyor Ropiev “Neftchi” bilan o'yindan keyin nimalar dedi?

Gollarga boy kechgan bahsda 5:3 hisobida jizzaxliklar zafar quchdi. O'yindan keyin uchrashuvda bir gol urgan Ixtiyor Ropiev fikrlariga quloq tutdik. 

“Neftchi” yaxshi shakllangan jamoa ekan. Hattoki, 2:0 hisobida oldinga chiqib olgan edi. Ularga tajriba etishmadi yoki zaxira o'rindig'ida o'yinchilarning kamchilik qilgan pand berdi. Umuman olganda, biz juda qiyin o'yinni o'tkazdik va qiyin muvaffaqiyatga erishdik. 

Navbatdagi o'yinni “Bunyodkor”ga qarshi o'tkazamiz. Bu raqibimiz ham hech qanday raqib tanlamaydi. Oxirigacha kurash olib boradigan jamoalar toifasiga kiradi. Qisqasi, bizni murakkab bahs kutmoqda. Bizning asosiy vazifa esa mazkur o'yinda ham g'alaba qozonishimiz lozim”, - deya fikrlarini yakunladi Ropiev