Ivan Nagaev: "Menimcha, birinchi golda qoida buzilmagandi"

- O'yin qiziqarli kechdi, - deydi Ivan Nagaev. - Ikkala jamoa ham g'alaba uchun harakat qildi. Omad shu kuni mehmonlar tomonida bo'lib, "Lokomotiv" 2:1 hisobida g'alaba qozondi.

- Birinchi taymda gol urgandim, lekin hakam golni hisobga olmadi. O'sha vaziyatda men darvozabon Nesterovdan to'pni olib qo'yib bo'sh darvozani ishg'ol etdim. Hakam esa ancha uzoqda turgandi va u to'p qo'lga tegdi deb golni hisoblamadi. Menimcha, bu vaziyatda qoida buzilmagandi, baribir golni hisoblash-hisoblamaslik hakamlarga bog'liq.

- Hisob 1:2 bo'lgach, o'yin oxirlarida Filiposyan yana gol urdi, ammo u vaziyatda hakam hushtagini chalib bo'lgandi. SHu bois bir narsa deya olmayman. Lekin birinchi gol nima uchun hisobga olinmaganini haligacha tushunmayapman. Sobiq jamoam "Lokomotiv"ni g'alaba bilan tabriklayman va endi bor eborimizni keyingi o'yinlarga qaratamiz.