Intervyu. CHemirtan kelishuvga amal qilmadi

- CHemirtanning jamoadan ketishi "Buxoro" muxlislarini larzaga soldi. "Buxoro" nega CHemirtanni jamoada olib qololmadi?

- Biz Vadim CHemirtan bilan mavsum yakunlangach, muzokara o'tkazishni kelishib olgandik. Yani, u avvaliga bizning taklifimizni, keyinchalik boshqa takliflarni qo'rib chiqishi lozim edi. Lekin hujumchi biz bilan xattoki uchrashmasdan jamoani tark etdi va boshqa klubga o'tdi.

- "Buxoro" jamoasi Artur Gevorkyan va Ignatiy Nesterovga qiziqayotganligi qanchalik rost?

- Birinchi marta eshitib turibman. Lekin hayotda hamma narsa ruy berishi mumkin. Transfer oynasi paytida har xil mish-mishlar bo'lib turadi. Bu futbolchilarni jamoaga jalb etishga qodir emasmiz. Ularning shartnomalaridagi moliyaviy taraflariga javob berishga qurbimiz etmaydi. Bu ikki futbolchi chempion jamoa safida o'ynaydi va "Buxoro" o'tishni xohlashmaydi ham. Menimcha, Artur Gevorkyan va Ignatiy Nesterov kabi futbolchilar bizning jamoaga kelishmaydi.

- "Buxoro"ning yana bir etakchi futbolchisi SHavkat Salomov jamoada qoladimi?

- Buni vaqt ko'rsatadi. Hozircha ularning amaldagi shartnomasi 31 dekabrga qadar mo'ljallangan. Ko'p narsa aynan yanvar oyida hal bo'ladi. Transferlarning asosiy qismi ham yanvarda boshlanadi. O'shanda barcha masalaga oydinlik kiritiladi.

- "Buxoro" muxlislariga keyingi yili jamoa yanada kuchayishini va kuchli futbolchilar jalb etiligini vada bera olasizmi?

- Biz qo'limizdan kelgan barcha ishni amalga oshiramiz va hammasi yaxshiroq bo'lishi uchun harakat qilamiz.

SHahboz Beg'amov suhbatlashdi.

Buxorolik muxlislar Vadim CHemirtanga pul yig'ib berishga tayyorlar FOTO

CHemirtan "Bunyodkor" safida mashg'ulot o'tkazmoqda