Ilyos Zeytullaev: "Yigitlar so'nggi uchrashuvlarda asosiy va zaxira degan tushunchalar yo'qligini tushunishdi"
23 noy 2024 19:27
Yangiliklar

Ilyos Zeytullaev: "Yigitlar so'nggi uchrashuvlarda asosiy va zaxira degan tushunchalar yo'qligini tushunishdi"

"Olimpik" - "Bunyodkor" o'rtasidagi Superliganing 25-tur uchrashuvidan (0:1) so'ng mehmonlar ustozi Ilyos Zeytullaev matbuot anjumanida ishtirok etdi.

Ilyos Zeytullaev: "O'yin starti biroz asabiy kechdi, ammo baribir Superligada jon saqlab qolish xohishi ustun keldi va ko'rsatmalarimiz ish berdi. Ikkinchi davrada "Bunyodkor" barcha klublar bilan tengma-teng o'ynadi".

- Birinchi bo'limda "Bunyodkor"ning ishlari o'xshamadi, ikkinchi bo'limda o'zgarishlar ro'y berdi va vaziyatlar ko'payib, o'yin taqdirini zaxiradan bahsga qo'shilgan futbolchi hal qildi desa ham bo'ladi.

- Yigitlar so'nggi uchrashuvlarda asosiy va zaxira degan tushunchalar yo'qligini tushunishdi. Zaxiradan bahsga qo'shilganlar doimo o'yinni kuchaytirishi kerak. Futbolchilar o'zgarishlar masuliyatini his qilishmoqda. Birinchi bo'limdagi shoshqaloqlik yo'qoldi va xotirjamroq harakat qila boshlashdi.