Ikki futbolchisi qizil olgan bahsda AGMK "Zarya"ga yirik hisobda yutqazdi
23 jan 2018 23:00
Yangiliklar
Ikki futbolchisi qizil olgan bahsda AGMK "Zarya"ga yirik hisobda yutqazdi
Bugun AGMK Antaliyada davom etayotgan o'quv-mashg'ulot yig'ini doirasida yana bir nazorat o'yinini o'tkazdi.
Bu galgi raqib Ukraina chempionati vakili "Zarya" jamoasi bo'ldi. Uchrashuvni ozarboyjonlik hakamlar guruhi boshqarib bordi. O'yin ancha tez va kurashchan ruhda o'tdi. Bahs davomida hakam ikki futbolchini ikkitadan sariq kartochka ko'rsatgan holda maydondan chetlatdi. Birinchi taymning 18-daqiqasida Dilshod Jo'raev, 73-daqiqada G'ulom-Haydar G'ulomov qizil olishdi. Uchrashuvda raqib 3-0 hisobida g'alaba qozondi.
Bu bahsda mashg'ulotlar bilan cheklangan bir qator futbolchilar maydonga tushishmadi.
AGMK rejasidagi so'nggi bahs 27 yanvar kuni Serbiyaning "Spartak Subotica" jamoasiga qarshi bo'lib o'tadi.
Fikrlar