Jahon chempioniga aylangan Braziliya futzalchilari qanday fikrda?

"Menimcha, bugun futzal tarixidagi muhim uchrashuvlardan biriga guvoh bo'ldik. Ikki jamoa finalga yaxshi tayyorgarlik ko'rgandi. Biz bugun ajoyib o'yin namoyish etdik va ikkita gol farqi bilan hisobda oldinda bordik. 

Argentina ko'p hujum qilishga harakat qildi, ammo biz to'g'ri himoyalandik va g'alabani saqlab qoldik. Braziliya – yangi jahon chempioni. Musobaqaga tayyorgarlik va musobaqa davomida ko'p qiyinchiliklarga duch keldik, ammo bularning barchasi ortda qoldi. Biz chempionmiz", – dedi Marseno.

"Barcha tabriklar uchun rahmat. Bugungi final hayotimizdagi eng muhim o'yin bo'ldi. Bugun qitadagi eng asosiy raqibimizga qarshi o'ynadik. O'yin kurashlarga boy o'tdi, lekin shunga qaramay, yakunda biz g'alaba qozona oldik. 

Bu safargi Jahon chempionati biz uchun omadli bo'ldi deya olaman. Qiyinchiliklar ham bo'ldi, albatta. Biz bu mundialga uch yil davomida tayyorgarlik ko'rgandik. Yillar davomidagi mehnatimiz bugun o'z samarasini berdi", – deya fikr bildirdi Marlon.