Hafta iqtiboslari. Mashhurlardan eng sara fikrlar
24 jan 2018 15:24
Yangiliklar
Hafta iqtiboslari. Mashhurlardan eng sara fikrlar
- "Menga hayot, oila va do'stlar bergani uchun avvalo Xudoga o'z minnatdorchiligimni bildiraman. Hayotimning o'ttiz yilini futbolga bag'ishladim, shu bois bois xayollarim haqiqatga aylanganidan xursandman. 20 yil professional futbol o'ynadim va bu damlarni umuman unutmayman. Men bu vaqt davomida g'alabalarni, mag'lubiyatni, milliy madhiyani, tunnelga kirishni, kiyim almashtirish xonalarini, ajoyib maydonlarni, turli xil butsalarni, yaxshi-yomon to'plarni, sovrinlarni, yulduz futbolchilarni va yana ko'plab narsalarni ko'rdim. Buning uchun hammasidan minnatdorman". (Mashhur braziliyalik "afsungar" Ronaldinoning katta futbolni tark etgach aytgan gaplari)
- "Men sendan juda ko'p narsa o'rganganimni doim aytib kelganman. Sen men uchun ko'p ish qilding va kiyim almashtirish xonasida meni har doim qo'llab-quvvatlading. Sen juda buyuk futbolchisan va bunga hech kimning shubhasi yo'q. Futbolni tark etsang ham, o'ziga xos kulishingni futbol hech qachon unutmaydi. Barcha yaxshi tilaklarim senga, Ronni!" (Messining Ronaldinoga bildirgan tashakkurnomasi)
- "Men haliyam futbol o'ynay olaman. Miyamga nimadir fikr kelib qolsa doim uni bajarishga harakat qilganman. Har doim shunday bo'lib qoladi. Men amerikaliklar bilan ko'p futbol o'ynadim va endi meksikaliklar bilan ham o'ynamoqchiman". (AQSH terma jamoasi sobiq yarim himoyachisi Lendon Donovan Meksikaning "Klab Leon" klubi bilan shartnoma tuzganidan so'ng)
- "Bu g'aroyib. Uning xet-triklariga bir qarang-a. Men "Vest Xem"da o'ynaganimda adashmasam 10 yo 11 marta xet-trik muallifi bo'lgandim. U bo'lsa hozircha sakkizta xet-trikni amalga oshirdi. U ayni paytda dunyoning eng kuchli hujumchisi. Bunga shubham yo'q. (JCH-66 qahramonlaridan biri Joff Xyorst "Tottenxem" hujumchisi Xarri Keyn haqida)
- "Menga terma jamoani boshqarishdek sharafli ishni ishonib topshirishganidan mamnunman. Agar Evro 2020 yo'llanmasini qo'lga kirita olsak, bundan juda xursand bo'lamiz. Tezroq mashg'ulotlar boshlanishini sabrsizlik bilan kutyapman". (Rayan Giggz Uels terma jamoasiga bosh murabbiy bo'lganidan so'ng)
- "Paulo Dibala yaxshi futbolchi, lekin chempion emas. O'tgan mavsumda uning formasi yuqori edi va hamma uni Messi bilan qiyoslay boshladi. SHunda men kulib yubordim. To'g'risi, bunday hazillar kulgimni qistatadi. Leo umuman boshqa saviyadagi futbolchi. Uning tengi yo'q". (Antonio Kassano Dibalani Messi bilan solishtirishlari haqida)
- "Gabriel Batistuta men yoqtirgan futbolchilardan biri edi. Menga uning o'yin uslubi doim yoqqan. U ayniqsa bosh bilan juda zo'r o'ynardi. Menimcha, qaysidir tomonlarim unga o'xshab ketadi". (Yaqinda "Everton"ga o'tgan Jenk Tosun o'ziga kim yoqishi haqida)
- "Menimcha, 22 yoshda futbolni tugatsam ham bo'laveradi. Agar bu yil "Siti" bilan to'rtta sovrinni va Germaniya bilan jahon chempionligini qo'lga kiritsam, boshqa armonim qolmaydi. Lekin bunday bo'lishiga ishonish qiyin". (Leroy Sane bu mavsumdagi niyatlari haqida)
Fikrlar