G'uzorda Eshmurod CHorshanbiev xotira turniri bo'lib o'tmoqda FOTO

“SHo'rtan”PFK rahbariyati tomonidan 5-10 noyabr kunlarigacha G'uzor shahrida “G'uzor bolalar sport majmuasi ” futbol maydonlarida  2005-2006 yillarda tug'ilgan bolalar  o'rtasida voha futboli rivojlanishiga o'lkan hissa qushgan g'uzorlik  marhum murabbiy Eshmurod CHorshanbiev xotirasiga bag'ishlab ilk turniri bo'lib o'tmoqda. Mazkur musobaqada jami 10 ta jamoa ikki bo'lingan holda, g'oliblik uchun kurash olib bormoqda.

Kecha ushbu turnirning  yarim final bahslaridan o'rin olgan qiziqarli ikki uchrashuv  bo'lib o'tdi.

Yosh iqtidor egalari o'rtasida kechgan tomoshabop futbol bahslarida  o'tgan har ikki yarim final juftligida g'oliblar nomi faqatgina uchrashuvdan keyingi yani “omad lotariyasi” penaltilar seriyasida aniqlandi.

Dastlab, birinchi yarim final juftliklari Sami Igamberdiev murabbiyligidagi Samarqandning “BO'SM-1”jaoasi  Denov futbol internati tarbiyalanuvchilariga qarshi maydonga chiqishdi.

Tomoshabop bahsning asosiy vaqtida  har ikki jamoa nursiz durangga rozi bo'lishdi.hisob  1:1

Musobaqa reglamentiga ko'ra,  yosh futbolchilar penaltilar tepish seriyasida o'z omadlarini sinovdan o'tkazishdi.

Unda hal qiluvchi zarbalarni berishda raqiblariga nisbatan ancha aniqroq harakat qilgan samarqandlik yosh futbolchilar g'alabani tantana qilishdi. Hisob 2:1, umumiy natija esa 3:2.

Ikkinchi yarim final juftligida  SHerzod Yakubov ustozligidagi Farg'ona viloyati Beshariq tumaning “BO'SM” yoshlar jamoasi  navoiyi viloyatining “BO'SM-2” jamoasiga qarshi kurash olib borishdi

Bu uchrashuvning  asosiy vaqtida ham  g'olib nomi aniqlanmadi. Hisob - 1:1 ko'rinishini oldi.

Uchrashuvdan keyingi penaltilar seriyasida vodiylik  yosh charm to'p ustalari aniqroq harakat qilishdi - 3:2. Umumiy natija - 4:3.

Bugun 10 noyabr kuni Eshmurod CHorshanbiev xotira turnirida dastlab  3- o'rin uchun kechadigan bahsda  Denovlik yosh futbolchilar  Navoiylik tengdoshlariga bilan o'zora bahs olib borishadi.

Musobaqaning hal qiluvchi final uchrashuvida esa “Samarqand-BO'SM-1” va “Beshariq-BO'SM “ jamoalari turnir g'oliblik uchun maydonga tushishadi. Uchrashuvlar G'uzordagi “G'uzor bolalar sportmajmuasi” futbol  maydonlarida  boshlanadi

Yarim final bahslaridan  olingan eng sara foto lavhalarni tomosha qiling.

Fahriddin CHoriev