Superligada 2025 yilgi mavsumning ilk qismidagi eng yaxshi 10 o'yinchi

Bu esa mavsuming oralig'ini sarhisob qilish vaqti keldi degani.

Eng yaxshi o'yinchilardan boshlaymiz. Tanlovda quyidagi omillar hisobga olindi:

• Darvozabonlar uchun "quruq" o'yinlar va o'tkazib yuborilgan to'plar soni, shuningdek qo'shimcha ko'rsatkichlar (qaytarilgan zarbalar foizi, seyvlar soni va boshqalar);

• markaziy himoyachilar uchun - jamoaning "quruq" o'yinlar va o'tkazib yuborilgan to'plar soni, shuningdek g'alaba qozonilgan yakkakurashlar foizi, to'pni olib qo'yish/egallab olishlar soni va boshqalar;

• markaziy yarim himoyachilar uchun - jamoa o'yiniga qo'shgan hissasi, samarali harakatlar, to'p uzatishlar soni va ularning aniqligi va boshqa qo'shimcha ko'rsatkichlar;

• Hujumchi o'yinchilar uchun - samarali harakatlar soni, keskinlashtiruvchi harakatlar soni (aylanib o'tishlar, muhim uzatmalar, darvozaga zarbalar) va boshqa ko'rsatkichlar.

Abduvohid Nematov ("Nasaf")

"Nasaf" birinchi o'rinda bormoqda, umuman mag'lubiyatga uchramagan va eng kam to'p o'tkazib yuborgan. Bunda Abduvohid Nematovning bevosita xizmati bor. U "quruq" o'yinlar soni bo'yicha ikkinchi (6, Botirali Ergashevda - 7) va gollarning oldini olish bo'yicha birinchi (4,2) o'rinni egallab turibdi. Nematov deyarli xatoga yo'l qo'ymagan va haqli ravishda eng yaxshilarimizdan joy olgan.

Umar Eshmurodov ("Nasaf")

32 yoshli himoyachi Malayziyaning "Selangor" jamoasidagi xizmat safaridan so'ng "Nasaf"ga qaytdi. Eshmurodov darhol ketguniga qadar egalik qilgan sardorlik bog'ichini oldi. "Nasaf"ning peshqadamligi, "quruq" o'yinlar soni va eng kam gol o'tkazib yuborishida Eshmurodovning ham hissasi bor. U chindan ham qarshiliklarning mudofaasini "ushlab turibdi." Umar himoyaviy yakkakurashlarda g'alaba qozonish foizi (77,6%), qaytarib qolish (har bir o'yinda o'rtacha 5,8), ikkinchi qavatdagi yakkakurashlarda g'alaba qozonish (54,4%) va bloklangan zarbalar (har bir o'yinda 11 / 0,88) bo'yicha Superliganing eng yaxshi o'yinchilari qatoriga kiradi.

Hojiakbar Alijonov ("Paxtakor")

Alijonov o'ng qanot himoyachisi bo'lsa ham hujumda ko'proq foyda keltiradi. U 2025 yilgi mavsumning birinchi yarmida 6 ta golli uzatmani amalga oshirdi - faqat "Navbahor" vingeri Alisher Odilovda bu ko'rsatkich yuqoriroq. Alijonov har bir o'yinda o'rtacha 1 ta golli uzatmani amalga oshiradi (Odilovdan keyin ligada ikkinchi o'rin). Shuningdek, "Paxtakor" himoyachisi har bir o'yinda to'p bilan 2,8 bor oldinga harakatlantiruvchi siljishni amalga oshiradi - bu faqat Oleg Zoteev va Ulug'bek Abdullaevda ko'proq. Bundan tashqari, Alijonov to'p oshirish (har bir o'yinda 67/6) va aylanib o'tish (har bir o'yinda 64/5,7) bo'yicha ham Superliganing barcha o'yinchilari orasida peshqadamlar safida bormoqda.

Akmal Mozgovoy ("Nasaf")

2025 yilgi mavsumning birinchi davrasida "Nasaf"ning asosiy etakchilaridan biri. O'tgan yili aynan Mozgovoy qaychi uslubida gol urib, qarshiliklarga chempionlikni olib kelganini unutmaslik kerak. Akmal yozda BAAning "Bani Yas" klubiga o'tdi, ammo ketishidan oldin "Nasafa"ga katta foyda keltirishga muvaffaq bo'ldi. Mozgovoy Superligadagi 15 ta o'yinning barchasida maydonga tushdi (14 ta asosiy tarkibda, bir marta zaxiradan maydonga tushdi) va gol+pas tizimida 1+3 natijani qayd etdi. Akmal O'zbekiston chempionatida uzatma (har bir o'yinda 842/53,5), maydonning so'nggi uchdan bir qismiga uzatma (har bir o'yinda 133/8,5) va oldinga harakatlantiruvchi uzatma (har bir o'yinda 127/8,1) bo'yicha peshqadamlar qatoridan joy olgan.

Jamshid Iskanderov ("Neftchi")

Iskanderov - "Neftchi"ning butun o'yinini hujumda ushlab turadigan odam. U Superligada 15 ta o'yinda 3 ta gol va 6 ta golli uzatmaga mualliflik qilgan. Jamshid "Neftchi"da gol+pas tizimi bo'yicha etakchilik qilmoqda va bu ko'rsatkich bo'yicha ligada 7-o'rinda bormoqda. Iskanderov har bir o'yinda o'rtacha 0,6 asosiy uzatma, 2,5 zarba va 4,3 jarima maydoniga uzatma beradi. U bu ko'rsatkichlar bo'yicha ham Superliganing eng yaxshi o'yinchilari qatoridan joy olgan. Ammo Iskanderovning "Neftchi" o'yiniga tasirini ham unutmaylik, buni har doim ham raqamlar va statistika aks ettiravermaydi.

Anvar Hojimirzaev ("Dinamo")

O'tgan mavsumda Hojimirzaev o'z o'yini bilan ko'pchilikni hayratda qoldirgandi. Ehtimol, kimdir bu "portlash" tugaydi deb o'ylagandir, ammo Anvar 2025 yilda ham o'sha darajada o'ynashda davom etdi. U 15 ta o'yinda 5+5 natija qayd etgan. Taqqoslash uchun: o'tgan mavsumda 25 ta o'yin, 10 ta gol va 1 ta golli uzatma qayd etilgan. Yani, Hojimirzaev yarim mavsumda "reja"sini deyarli bajardi. Anvar hali ham ko'p zarba bermoqda (47 ta zarba va har bir o'yinda o'rtacha 3,1 ta), ammo uning zarbalariga ko'pincha aniqlik etishmaydi - atigi 32 foizi aniq. Ammo driblingda hammasi joyida: 61 ta aylanib o'tish / har bir o'yinda o'rtacha 4 ta va 38% muvaffaqiyatli.

Lyupcho Doriev ("So'g'diyona")

O'tgan mavsumda "So'g'diyona" bronza medallariga yaqin kelgandi. O'shanda jamoani Doriev va Yovovich ortidan etaklagan, ammo ikkinchisi qishda klubni tark etdi va Lyupcho yolg'iz qoldi. Makedoniyalik vinger Superliga-2025 mavsumida 15 ta o'yinda maydonga tushib, 9 ta gol urdi va 4 ta golli uzatmani amalga oshirdi. Boshqacha aytganda, "So'g'diyona" birinchi davrada jami 17 ta gol urgan bo'lsa-da, u jamoasi uchun 13 ta gol urdi. Yovovich bilan birga Doriev ham klubdan ketsa, jizzaxliklarning ahvoli nima kechishini tasavvur qilishning o'zi dahshat. Lyupcho quyidagi ko'rsatkichlar bo'yicha chempionat peshqadami bo'lib turibdi: muhim uzatmalar (har bir o'yinda 14 / 0,9), to'p bilan keskin oldinga harakatlanish (har bir o'yinda 63 / 3,9), darvozaga zarba berish (har bir o'yinda 74 / 4,6), to'pni yuqoridan oshirish (har bir o'yinda 71 / 4,4), aylanib o'tish (har bir o'yinda 124 / 7,7) va raqib jarima maydonchasi ichida to'pga tegish (har bir o'yinda 81 / 5). Aqlbovar qilmas raqamlar.

Alisher Odilov ("Navbahor")

23 yoshli vinger vataniga qaytib, "Navbahor" etakchilaridan biriga aylandi. Odilov 8 ta golga assistentlik qildi va Superliganing eng yaxshi assistenti bo'lib turibdi. Shuningdek, u 15 ta o'yinda 2 ta gol urgan. Futbolchi gol+pas tizimi bo'yicha chempionatda beshinchi o'rinni egallab turibdi. Qo'shimcha ko'rsatkichlarga kelsak, Alisher yuqoridan to'pni oshirish (har bir o'yinda 37 / 3,5), aylanib o'tish (har bir o'yinda 61 / 5,7 / 62,3% muvaffaqiyatli) va to'p bilan oldinga keskin harakatlanish (har bir o'yinda 43 / 4) bo'yicha etakchilar qatorida.

Ruslanbek Jiyanov ("Navbahor")

Odilov bilan birga "Navbahor" hujumini Jiyanov ham boshqarib bormoqda. U 15 ta o'yinda u 6 ta gol urdi va 5 ta golli uzatmani amalga oshirdi. "Gol+pas" tizimi bo'yicha u ligada faqat Igor Sergeev va Lyupcho Dorievdan keyin uchinchi o'rinni egallab turibdi (ularda 13tadan samarali harakat bor). Qizig'i shundaki, Jiyanov Superligada muvaffaqiyatli aylanib o'tishlar foizi bo'yicha etakchilik qilmoqda - 75,6%. U driblingga Odilovga qaraganda biroz kamroq boradi (har bir o'yinda atigi 45 ta urinish / 3,2), ammo shu bilan birga raqiblarini ko'proq mag'lub etadi.

Igor Sergeev ("Paxtakor")

Birinchi davra yakunlariga ko'ra Superliganing eng yaxshi to'purari. Sergeev Superligada 15 ta o'yinda 11 ta gol urgan. Shuningdek, u ikkita golli uzatmani amalga oshirdi. Shu tufayli Igor oradan bir yarim yil o'tib O'zbekiston terma jamoasiga qaytdi va qaytganidan keyingi dastlabki o'yindayoq gol urdi. Sergeev g'alaba gollari soni bo'yicha etakchilik qilmoqda - u 4 marta "Paxtakor"ga g'alaba keltirgan. Shuningdek, qizig'i shundaki, Igor 5 ta golni boshi bilan urdi, eng yaqin taqibchilarda esa "ikkinchi qavat"da faqat ikkitadan to'p bor. Sergeev kutilayotgan gollar soni bo'yicha Superliganing eng yaxshi futbolchisi bo'lib turibdi (har bir o'yinda 10,8 / 0,8).

Shuningdek, quyidagi futbolchilarning o'yinlarini ham takidlash joiz:

• Ravshanbek Yagudin ("Dinamo");

• Boyan Ciger ("Neftchi");

• Odil Hamrobekov ("Bunyodkor");

• Abror Ismoilov ("Neftchi");

• Abbos G'ulomov ("Navbahor");

• Oybek Bozorov ("Nasaf");

• Xurshid G'iyosov (OKMK);

• Temurxo'ja Abduxoliqov ("Bunyodkor");

• Husayn Norchaev ("Nasaf");

• Luis Kachorri ("Bunyodkor").

Ular 2025 yilgi mavsumning birinchi qismida o'zlarini yaxshi tomondan ko'rsatishdi, ammo bizning top-10 jamoamizga kira olishmadi.

Muallif: Nikolay Egorichev

P.S. Tahririyat fikri muallif fikriga mos kelmasligi mumkin.