​Goal nashrining tanloviga ko'ra, Modrich - eng yaxshi futbolchi

2011 yildan beri ushbu sovrin Ronaldu yoki Messiga nasib etib kelayotgan edi. Portugaliyalik bu safar ikkinchi, argentinalik yulduz esa beshinchi o'rinda etirof etildi.

SHuningdek, top-10 futbolchilar ro'yxatidan quyidagi futbolchilar joy olishdi:
Salah ("Liverpul"), Mbappe ("PSJ"), de Bryuyne ("Man.Siti"), Varan ("Real"), Keyn ("Tottenhem"), Grizmann ("Atletiko") va Marselo ("Real").

Luka uchun 2018 yil muvaffaqiyatli keldi deb bemalol aytish mumkin. Joriy yilda Modrich "Real"ning ECHLdagi qatorasiga uchinchi chempionligiga munosib hissa qo'shgan va Xorvatiya terma jamoasini JCH-2018da finaligacha olib borgan edi. Horvatlarning finalda francuzlarga mag'lub bo'lganiga qaramay (2:4), turnirning eng yaxshi futbolchisi deb aynan Luka Modrich topilgan edi.