Futzal. JCH-2004. Turnir ostonasida qoqilgan O'zbekiston hamda braziliyalik o'yinchilar bilan finalga qadar etib borgan Evropa mamlakati haqida hikoya qilamiz

Futzal bo'yicha beshinchi FIFA tasnifidagi jahon chempionatiga 2004 yilning 21 noyabr – 5 dekabr kunlari Xitoy Taypeyi mezbonlik qildi. Mezbonlik uchun Germaniya, Paragvay, Eron va yana bir qancha mamlakatlar kurash olib bordi, biroq yakunda Janubiy-SHarqiy Osiyo mamlakati tanlandi.

Turnirda 6 konfederaciyadan 16 mamlakat ishtirok etdi. SHu jumladan, Osiyo futbol konfederaciyasidan qita chempionatida dastlabki uch o'rinni egallagan Eron, Yaponiya va Tailand ishtirok etdi. Alamlisi, so'nggi yo'llanma uchun kurashda Tailand O'zbekistonni mag'lub etib, Osiyo chempionatida uchinchi o'rinni qo'lga kiritdi.

Falkao etakchiligidagi Braziliya 2000 yil Gvatemala finalidagi mag'lubiyat uchun Ispaniyadan o'ch olish uchun Xitoy Taypeyiga tashrif buyurishadi. Guruh bosqichini osongina yakunlagan brazillar kubokni qaytarib olishga tayyor ekanliklarini namoyish etgandek bo'lishdi. Ammo "futbol sehrgarlari"ni yarim finalda yana o'sha "qizil furiya" to'xtatib qoladi. Uchrashuvning asosiy vaqti 2:2 hisobida yakunlanadi. Penaltilar seriyasida esa omad ispanlarga kulib boqdi. Braziliya uchinchi o'rin uchun bahsda qitadoshi Argentinaga hech qanday imkon qoldirmadi - 7:4.

Ispaniya birinchi bosqichda Ukraina, Xitoy Taypeyi va Misr terma jamoalari darvozasiga 19ta to'p kiritib, o'z darvozasi daxlsizligini saqlab qoladi. Ikkinchi bosqichda esa CHexiya, Italiya va Portugaliya mag'lub etildi. Yarim finaldagi o'yinga esa yuqorida to'xtaldik. Xaver Lozano shogirdlari hal qiluvchi bellashuvda Evropaning amaldagi chempioni bo'lgan Italiya terma jamoasi bilan to'qnash keldi. Qizig'i, Evropa chempionati yarim finalidagi scenariyning aksi bo'ldi. Yani, Evroda Italiya ispanlarni 2:1 hisobida mag'lub etgan bo'lsa, mundial finalida ispanlar xuddi shu hisobda ustun keldi. SHu tariqa, Ispaniya terma jamoasi qatorasiga ikkinchi marotaba jahon chempionati degan nomga sazovor bo'ldi.

Ispaniyaning tez rivojlanishiga yana bir sabab mamlakat ligasining boyishi bo'ldi. Dunyodagi eng katta bozorga ega bo'lgan Ispaniya ligasi butun dunyodan yaxshi maosh istagidagi iqtidorli o'yinchilarni o'ziga jalb qildi. Legionerlar tomonidan ko'tarilgan liga saviyasi ispaniyalik futbolchilarning rivojlanishiga tabiiy hissa qo'shdi.

"Agar jamoadagi har bir futbolchining individual mahoratiga etibor bersangiz, Ispaniya eng zo'ri emas, ammo ularni jamoaviy jihatdan birlashtirtirsak, bizga teng keladigani yo'q", deya fikr bildirdi Ispaniya terma jamoasi bosh murabbiyi Xaver Lozano.   

Janubiy-SHarqiy Osiyo mamlakatiga tashrif buyurgan Italiya tarkibidagi 14 nafar futbolchidan 12 tasining kelib chiqishi braziliyalik ekanligini inobatga olsak, geografik jihatdan etik shakliga o'xshash mamlakatning kumush medalni qo'lga kiritishi hayratlanarli emasdi.

Braziliyalik Falkao beshinchi mundialning yorqin yulduziga aylanadi. Musobaqa davomida raqiblar darvozasiga 13 ta to'p kiritgan Falkao "Oltin butsa" bilan birga "Oltin to'p"ga ham ega chiqdi.

1-bosqich

"A" guruhi

21.11.2004
Xitoy Taypeyi — Misr 0:12 (0:6)
Ispaniya-Ukraina 2-0 (2-0)
23.11.2004
Xitoy Taypeyi — Ispaniya 0-10 (0-3)
Misr-Ukraina 4-5 (2-0)
25.11.2004
Ukraina-Xitoy Taypeyi 7-2 (5-1)
Misr-Ispaniya 0-7 (0-5)

"B" guruhi 

22.11.2004
Avstraliya — Braziliya 0-10 (0-4)
CHexiya - Tailand 2-1 (1-0)

24.11.2004
Avstraliya-CHexiya 0-5 (0-1)
Braziliya — Tailand 9-1 (2-0)

26.11.2004
Tailand — Avstraliya 2-1 (0-0)
Braziliya — CHexiya 4-1 (2-1)

"C" guruhi

21.11.2004
Italiya-AQSH 6-3 (2-1)
Yaponiya — Paragvay 4-5 (3-2)

23.11.2004
Italiya — Yaponiya 5-0 (2-0)
AQSH — Paragvay 3-1 (1-0)

25.11.2004
Paragvay — Italiya 2-4 (1-2)
AQSH — Yaponiya 1-1 (1-0)

"D" guruhi

22.11.2004
Eron-Portugaliya 0-4 (0-2)
Kuba — Argentina 0-3 (0-0)

24.11.2004
Eron-Kuba 8-3 (4-0)
Portugaliya — Argentina 0-1 (0-1)

26.11.2004
Argentina — Eron 6-1 (1-1)
Portugaliya-Kuba 5-0 (2-0)

2-bosqich

"A" guruhi

28.11.2004
Ispaniya-CHexiya 2-0 (0-0)
Italiya-Portugaliya 0-0 (0-0)

29.11.2004
Ispaniya-Italiya 2-3 (1-3)
CHexiya-Portugaliya 4-8 (3-3)

01.12.2004
Ispaniya-Portugaliya 3-1 (2-1)
CHexiya-Italiya 0-3 (0-2)

"B" guruhi

28.11.2004
Braziliya — Ukraina 6-0 (2-0)
Argentina — AQSH 2-1 (2-0)

29.11.2004
Braziliya — Argentina 2-1 (2-1)
Ukraina — AQSH 3-1 (1-1)

01.12.2004
Braziliya - AQSH 8-5 (3-1)
Ukraina — Argentina 0-0 (0-0)

Yarim final 

Braziliya — Ispaniya 2:2 (pen. 4:5)

Argentina — Italiya 4:7

3-o'rin uchun

Braziliya — Argentina 7:4

Final

Ispaniya — Italiya 2:1
Gollar: Kike 24, Marselo 30 - Sandro Zanetti 40
Ispaniya: Amado, Julio, Torras, Serrexon, Orol, Xavi Rodriges, Kike, Andreu, Limones, Marselo.
Italiya: Feller, Grana, Pellegrini, Montovanelli, Zaffiro, Bertoni, Bakaro, Fabiano, Foglia, Morgado, Sandro Zanetti.
Ogohlantirishlar: Orol 35, X.Rodriges 37

O'tkazilgan joyi: Xitoy Taypeyi
O'tkazilgan shaharlar: 2 (Taypeyi siti, Linkou)
O'tkazilgan sanasi: 21 noyabr - 5 dekabr, 2004 yil
Ishtirokchilar: 16 (6 qitadan)
Muxlislar tashrifi: 50923 (har o'yinga 1273)
Urilgan gollar: 237 (har o'yinga 5.93ta gol)
To'purar: Falkao (Braziliya, 13ta gol)
Eng yaxshi o'yinchi: Falkao (Braziliya)
"Fair-Play" sovrini: Braziliya

Sovrindorlar
CHempion - Ispaniya
Ikkinchi o'rin - Italiya
Uchinchi o'rin - Braziliya
To'rtinchi o'rin - Argentina 

Futzal. Futbol bo'yicha Evropa chempionlari ishtirok etgan ilk jahon chempionati haqida hikoya qilamiz

Futzal. JCH-1992. Pele tomosha qilgan hamda onasining qornida to'p tepishni boshlagan yalangoyoq bolakayning eng yaxshi o'yinchiga aylangani haqida hikoya qilamiz

Futzal. JCH-1996. Braziliya "trebl" qayd etdi

Futzal. JCH-2000. O'zbekistonning dastlabki urinishi, 29 ta gol o'tkazgan mezbon hamda bir o'yinda ikki darvozabonidan ayrilib, uchinchi posbon bilan Braziliyaning gegemonligiga chek qo'ygan chempion haqida hikoya qilamiz 

Oqil Abdubarnoev tayyorladi.