FIFA simulyaciya qilgan futbolchini jarimaga tortadi. O'zbekistonga ham bu kerakmi?

Oxirgi yillarda FIFA futbol o'yini jozibasiga tasir qiluvchi omillarga qarshi kurash olib bormoqda hamda quyidagi holatlar uchun futbolchilarni moliyaviy jarimaga tortmoqda.

- Simulyaciya (mug'ombirlik)

- O'yin vaqtini atayin cho'zish

- Hakamning qaroriga so'z yoki ishoralar bilan etiroz bildirish


O'zbek futbolida ham bunday vaziyatlar ko'payib borayotgani hech kimga sir emas. Masalan, g'olib bo'layotgan jamoa darvozaboni to'pni o'yinga kiritish paytida atayin vaqt cho'zsa oddiy muxlisga bu yoqadimi? Yoki futbolchi penalti ishlayman deb raqib jarima maydoni ichida aktyorlik ishlatib yiqilib tushaversa bu futbolga foyda keltiradimi? Yoki bo'lmasa Superligada ishlayotgan mahalliy hakamlar bilan har bir bahsli vaziyatda tortishadigan futbolchilar ertaga terma jamoalarimiz safida xalqaro o'yinlarda ishtirok etishsa va chet ellik hakamlar bilan shunday qilib jamoamizni og'ir ahvolga solib qo'yishsa bu bizga pand berib qo'ymaydimi?

SHu bois ham futbol jamoatchiligi tomonidan yuqoridagi holatlar uchun O'zbekistonda ham futbolchilarni moliyaviy jarima solish taklifi o'rtaga tashlanmoqda.

Xo'sh, sizningcha O'zbekistonda ham FIFA qabul qilgan qoidani tatbiq etish to'g'ri bo'ladimi yoki yo'q? Fikrlaringizni yozib qoldiring.