Feliks "Atletiko"ga qarshi mehmondagi o'yin haqida: "Butun "Barsa" uchun juda qiyin vaziyat bo'ladi, men uchun esa undan ham battarroq"

"Barselona" "Atletiko"ni La Ligadagi ilk davrada 1:0 hisobida mag'lub etgandi. O'yindagi yagona gol "matraschilar"ga tegishli bo'lgan, ammo Kataloniya klubida ijara asosida o'ynayotgan Joau Feliks tomonidan urilgan. Portugaliyalik Madrid jamoasi muxlislari ko'z o'ngida golni nishonlagandi.

"Butun jamoa uchun juda qiyin vaziyat bo'ladi. Menga esa undan ham qiyinroq bo'ladi, ammo futbolchiman va bunday narsalardan o'tishni o'rganishim kerak", – dedi Feliks.

Feliks joriy mavsum La Liga doirasidagi 21ta o'yinda maydonga tushib, 5ta gol va 2ta assist qayd etdi.