Farhod Bekmurodov: "Bunday qilishim kerak emas edi, har qanday jazoga tayyorman. Futbol jamoatchiligidan uzr so'rayman"

G'alaba o'z yo'liga. Lekin hozirda barchaning etibori Usmonali Ismonaliev va Muhammadkarim Toirov bilan bo'lgan vaziyatga qaratilmoqda. Mazkur holatda "Andijon" jamoasi yarim himoyachisi Farhod Bekmurodov ham ishtirok etgan bo'lib, yakunda O'zPFL uning harakatlarini O'FA tartib-intizom qo'mitasiga oshirilishini malum qildi. Biz Bekmurodov bilan bog'landik.

"Avvalambor barchani kirib kelgan ramazon oyi bilan tabriklayman. Sihat-salomatlik va xotirjamlik tilab qolaman. Endi mazkur vaziyatga kelsak, o'yinda gol bo'ldi. Men Aziz Asimovning oldiga kelib, pas Temurxo'jadan emas mendan ketganini aytdim. VARni oldiga borib ko'rib o'tirmang, golni hisoblayvering dedim. Bu erda Usmonali va Muhammadkarim turgan edi. Ikkisi bilan birga o'ynaganman, ikkisi ham ukamdek. Faqat bu erda hissiyotlar jo'shib ketdi. Usmonali hazil manosida tepdi. Men javob qaytarmasin degan mazmunda Muhammadkarimga yot dedim. Usmonali hazillashdi, lekin bu harakati sport harakatlariga mos emas. Boz ustiga hakamning yonida. Mening harakatlarim ham noto'g'ri edi. O'yindan keyin ham o'zim ko'rdim. Bu juda yomon holat. O'yin paytida hech narsani sezmadim. Keyin videotakrorni ko'rib xato qilganimni bildim. Hakam Usmonaliga qo'shib Muhammadkarimga ham qizil berib yubormasin degan fikr xayolimga keldi. Videoni ko'rib Usmonalidan ham kechirim so'radim.

Bunday qilishim kerak emas edi, har qanday jazoga tayyorman. Futbol jamoatchiligidan uzr so'rayman",- deydi Farhod Bekmurodov championat.asia saytiga.

VIDEONI KO'RISH