⚡️Eshitdik-da! "Navbahor" klubi futbolchilarga bir necha oydan beri maosh to'lamayapti

Championat.asia sayti bosh muharriri Narzulla Saydullaevning yozishicha, 2023 yilgi Coca Cola Superligasida bronza medallarni qo'lga kiritgan "Navbahor" klubining o'z futbolchilari oldida bir necha oylik qarzdorliklari mavjud. Aksariyat futbolchilar so'nggi bor avgust oyida maosh olishgan. Bundan tashqari, klub azolariga kamida 4 ta mukofot puli berilmagan. 

"Navbahor"ning bir qator o'yinchilari mavsum yakunlangach, klubni tark etgan.

Avvalroq erkin agentga aylangan Oston O'runovga "Paxtakor" vakillari aloqaga chiqishgani haqida xabar berilgandi.