Erik ten Xag: "Manchester Yunayted" istalgan raqibini mag'lub qila oladi"

"Barcha muammolarga qaramasdan "Aston Villa"ga qarshi o'yin ko'p narsalarni isbotlab berdi. Ayni damda APLning biror jamoasida bizchalik muammolar yo'q.

Biz qo'lga kiritilgan ochkolarning sonidan unchalik mamnun emasmiz, biroq egallab turgan o'rnimizga munosib bo'lib turibmiz. Qachonki barcha futbolchilar safga qaytsa, kuchli tarkibni maydonga tashlay olamiz.

"Liverpul", "Arsenal" va "Aston Villa"ga qarshi tengma-teng kurashdik. Ular liganing top-jamoalari bo'lib turishibdi. SHu sababli biz liganing istalgan jamoasini mag'lub eta olamiz, deya olaman.

"Aston Villa"ga qarshi o'yin - shu holatda ham tarkibimiz kuchli ekanligini ko'rsatdi. SHuncha yo'qotish bilan ham biz kurasha olishimiz mumkin.

Qachonki tarkibdagi kuchli futbolchilar safga qaytar ekan, to'g'ri mentalitet ham qaytadi", - dedi ten Xag.