Eldor SHomurodov ProSports Management kompaniyasi bilan shartnoma tuzdi

Bu haqda championat.asia kompaniya rasmiy saytiga tayanib xabar berdi. ProSports Management vakili Nikita Panasyuk nima uchun SHomurodov bilan shartnoma tuzilganini tushuntirib berdi.

- SHomurodov 21 yoshda, universal hujumkor futbolchi, bazida qanotda, markaziy hujumda va hujumchi ortda o'ynay oladi.

O'yin uslubi va qobiliyati jihatidan Andrey Yarmolenkoni eslatib yuboradi: tezkor, baquvvat, texnik tomonlama kuchli, maydonni yaxshi ko'ra oladi, qarshi hujum vaqtida tez qaror chiqara oladi.

Eldor jismonan baquvvat ekanligi uchun to'p uchun raqiblar bilan kurasha oladi. 182sm bo'yga ega hujumchi juda tez yuguradi, boshang'ich tezligi kuchli, ikkinchi qavatdagi kurashlarda va standart vaziyatlar vaqtida juda foydali.

SHomurodovda dribling ham ancha yuqori. Bitta o'yinda o'rtacha 6 marta raqiblarni aldab o'tadi. Taqqoslash uchun, Juliano ("Zenit") o'rtacha 5 marta, Promes ("Spartak") o'rtacha 8 marta aldab o'tadi.

Odil Ahmedov "Paxtakor"dan "Anji"ga ko'chib o'tgach darhol yuqori saviyada o'yin ko'rsatgandi. SHomurodov terma jamoada ham yaxshi o'ynamoqda: 12ta o'yinda 4ta gol va 1ta golli pas.

Osiyolik futbolchilar yangi muhitga ko'nikishlari juda qiyin kechadi: Biroq Denisov va Ahmedovning faoliyati buning teskarisini ko'rsatdi. Eldor ruschada yomon gapirmaydi, Evropaga o'tishni istasa, ingliz tilini o'rganishni boshlaydi.   

Eldorning statistikasi yomon emas: to'liq bo'lmagan 2 mavsumda 19ta gol urdi va 7ta golli pas oshirdl.

Kuchli jamoa va kuchli sheriklar bilan birga futbolchi yanada rivojlana oladi. SHomurodov ayni paytda O'zbekiston terma jamoasi va "Bunyodkor"ning etakchi futbolchisi hisoblanadi.