Eldor SHomurodov: "Asosiysi uch ochkoga ega bo'ldik, Eronga ham g'alaba uchun boramiz"

"Birinchi bo'lim nisbatan tengroq bo'ldi, o'zimiz ham texnik xatolarga yo'l qo'ydik. SHuni evaziga qiyinroq bo'ldi deb o'ylayman. Asosiysi, birinchi bo'limda gollar urib olganimiz uchun ikkinchi bo'lim osonroq o'tdi, to'p nazorati ham bizda bo'ldi. SHuning uchun ikkinchi bo'lim qiyin o'tdi deb o'ylamayman. Asosiysi uch ochkoga ega bo'ldik.  

Endi oxirgi o'yin qoldi. Maqsadimiz guruhda birinchi o'rinni egallash. Eronga faqat g'alaba uchun boramiz.

Xatolar? Ko'p vaziyatlar yaratgandan keyin xatolar ham bo'lishi tabiiy. Har bir zarba gol bo'lavermaydi. Asosiysi kerakli o'yinlarda gollar urib, g'alaba qozonsak, yoqimli bo'ladi. 

Biz faqat va faqat g'alaba uchun chiqamiz, qolgani Allohdan!", - dedi Eldor SHomurodov.