Dinamo - Buxoro o'yinida Siroj Samarqand sen bilan xayriya akciyasi o'tkaziladi
13 apr 2017 12:58
Yangiliklar

Dinamo - Buxoro o'yinida Siroj Samarqand sen bilan xayriya akciyasi o'tkaziladi

Dinamo klubi sobiq futbolchisi 35 yoshli Sirojiddin Sayfiev saraton (Rak) kasalligiga chalingani elon qilingach, ayni vaqtda uni qo'llab-quvvatlash uchun #TaslimBo'lmaSiroj akciyasi elon qilingan.

Samarqand futboli tarbiyalanuvchisini qo'llab-quvvatlash maqsadida Dinamo ham ushbu akciyaga qo'shilgan. Jamoamiz 5-tur doirasidagi Qo'qon-1912 - Dinamo uchrashuvida #BizSenBilanSiroj yozuvli futbolkalarda maydonga tushgan edi.

15 aprel, shanba kuni 6-tur doirasidagi Dinamo - Buxoro o'yinida ham Dinamo stadionida Siroj Samarqand sen bilan xayriya akciyasi o'tkaziladi. SHu kuni o'yingoh darvozasi oldida qutilar tashkil etilib, muxlislardan tushgan pul Dinamo sobiq futbolchisiga etkaziladi.

Futbolchilik faoliyati davomida samarqandlik minglab muxlislarni o'z o'yinlari bilan xursand etgan Sirojiddin Sayfievning bugungi taqdiri Dinamo jamoasining hech bir ishqibozini beetibor qoldirmasligiga ishonamiz.

Siroj, Samarqand sen bilan!

Havola :

Manba : fcdinamo.uz

Yangiliklarni Telegramda o'qing!

Reyting: +12