De Rossi Nainggolanni SPALga taklif qilishni rejalashtirmoqda

Manba bergan xabarga ko'ra, mutaxassis ayni damda futbolchini jamoa bilan shartnoma imzolashga ko'ndirish ustida ishlamoqda.

Nainggolan Belgiyaning "Antverpen" klubida o'ynaydi, ammo Italiya chempionatiga qaytishga tayyor.

2022/23 yilgi mavsum yarim himoyachi "Antverpen" safida 12 ta o'yinda maydonga tushib, 1 ta gol urdi va 1 ta golli uzatmani amalga oshirdi. 2022 yilning oktyabr oyida u klub rahbariyati tomonidan zaxira o'rindig'ida sigaret chekkani uchun asosiy jamoadan chetlatilgandi. O'shandan beri futbolchi maydonga tushmadi.

Transfermarkt portali yarim himoyachining narxini 1 million evroga baholamoqda.