Coca Cola Superligasi. 18-tur laureatlari
13 sen 2022 15:06
Yangiliklar

Coca Cola Superligasi. 18-tur laureatlari

Kuni kecha Coca Cola Superligasining 18-turidan o'rin olgan o'yinlar bo'lib o'tdi.

Championat.asia o'tkazilgan bahslar asosida tur laureatlarini aniqladi.

AGMK bu tur safarda "Qo'qon-1912" bilan murosa ko'chasini tanladi – 0:0. AGMK posboni shu kuni o'z mahoratini ko'rsatib, darvozani munosib ravishda qo'riqladi. SHu bois, AGMK darvozaboni Botirali Ergashev Championat.asia sayti talqiniga ko'ra, 18-turning eng yaxshi darvozaboni deb topildi.

"Neftchi" mazkur turda safarda "Bunyodkor" klubi bilan bahs olib borib, 2:1 hisobida ustun keldi. Vitaliy Levchenko shogirdlari shu kuni yaxshi o'yin namoyish qilishdi va haqli g'alabaga erishishdi. SHunday qilib, Championat.asia sayti talqiniga ko'ra, Vitaliy Levchenko 18-turning eng yaxshi murabbiyi deya etirof etildi.

Bu turda "Nasaf" hujumchisi Husayn Norchaev "Surxon"ga qarshi voha derbisida o'ziga xos zarbasi orqali tur goliga mualliflik qildi.

"Qizilqum" hujumchisi Temurxo'ja Abduholiqov "Olimpik"ka qarshi bellashuvda faol o'ynadi va gol urdi. Tajribali hujumchi mavsumdagi o'zining 11-golini urdi va Superliga to'purari bo'lib turibdi. Abduholiqov Championat.asia talqiniga ko'ra 18-turning eng yaxshi futbolchisi deb topildi.