"Buxoro" oxirgi ikkita o'yinda 10ta gol o'tkazdi

Jamoa 23-turdan boshlab ketma-ket to'rtta o'yinda mag'lubiyatga uchragandi, orada bitta g'alabaga erishib oxirgi uch o'yinda yana imkoniyatni boy berdi. Va eng dahshatlisi, "Buxoro" jamoasi oxirgi ikki uchrashuvda o'z darvozasidan 10ta gol o'tkazib yubordi. Ulug'bek Baqoev shogirdlari uyda "Paxtakor"ga 2:6, safarda esa "Lokomotiv"ga 0:4 hisobida imkoniyatni boy berishdi.

Albatta, kuchli oltilikka kirib olgan jamoaning qatorasiga mag'lubiyatdan boshi chiqmayotgani hamda ikkita uchrashuvda 10 gol o'tkazishi juda ayanchli holat. Muxlislarda esa savol yuzaga kelyapti: gar shunday ekan, "Buxoro"ga kuchli oltilikka kirib nima bor edi? Statistikaga etibor beradigan bo'lsak, "Buxoro" klubi o'z tarixida birinchi bor ketma-ket ikki uchrashuvda 10ta gol o'tkazdi. Bungacha qatorasiga ikki o'yinda eng ko'p o'tkazgan goli 7ta bo'lib, bu voqea 2011 va 2004 yili sodir bo'lgan.

2011 yil
13-tur. "Bunyodkor" - "Buxoro" 3:0
14-tur. "Buxoro" - "Bunyodkor" 0:4

2004 yilni "Buxoro" juda omadsiz boshlagan. Jamoa dastlabki uch turda birorta to'p kirita olmasdan o'z darvozasidan 10ta gol o'tkazgan. Bu yil esa ikkita bellashuvda shuncha to'p o'tkazib yubordi.

2004 yil
1-tur. "Buxoro" - "Neftchi" 0:4
2-tur. "Metallurg" - "Buxoro" 3:0
3-tur. "Buxoro" - "Paxtakor" 0:3