Bilasizmi? Oliy ligada o'z uyida yutqazmagan faqat bitta jamoa qoldi
28 sen 2017 14:54
Yangiliklar
Bilasizmi? Oliy ligada o'z uyida yutqazmagan faqat bitta jamoa qoldi
Bu - namanganlik muxlislarning sevimli jamoasi "Navbahor". "Navbahor" shu paytgacha o'z uyida 11ta uchrashuv o'tkazib, birontasida mag'lub bo'lmadi va olti g'alaba, besh durangni qo'lga kiritdi. To'plar nisbati 16-10. "Navbahor" uy o'yinlarida hozircha 23 ochkolik bo'lgan.
Bungacha "Lokomotiv" bilan "Olmaliq" ham uyda mag'lubiyatga uchramasdan kelayotgandi, biroq "Loko" "Paxtakor"ga yutqazib qo'ygan bo'lsa, "Olmaliq" o'zida "Paxtakor"dan engilgan "Loko"ga mag'lub bo'ldi. Natijada birgina "Navbahor" qoldi.
Raqamlarga qaraydigan bo'lsak, o'z maydonidagi uchrashuvlarda faqat bir martadan mag'lub bo'lgan jamoalar soni oltitani tashkil etyapti. Bular - "Lokomotiv", "Nasaf", "Bunyodkor", "Mashal", "Olmaliq" va "Qizilqum". Xo'sh, bu jamoalar qaysi turda kimga yutqazib qo'yishgan?
"Lokomotiv": 22-tur, "Paxtakor"ga (0:1).
"Nasaf": 18-tur, "Bunyodkor"ga (0:1).
"Bunyodkor": 5-tur, "Qizilqum"ga (0:1).
"Mashal": 1-tur, "Lokomotiv"ga (0:1).
"Olmaliq": 19-tur, "Lokomotiv"ga (1:3).
"Qizilqum": 4-tur, "Buxoro"ga (0:1).
Fikrlar