Bartomeu: “Bavariya”, “Lion”, “Yuventus” ham shunday qilmoqda”

“Vaziyat murakkab. 14 martdan beri “Barselona”da daromad yo'q, ammo klubimiz iyunga borib bankrot bo'lmaydi. Agarda shu sanaga qadar ahvol o'nglanmasa, zarar ko'riladi. SHu bois, ish haqini kamaytirdik.

Klub muzeyini ocholmaymiz, bizda translyaciya va chipta sotuvidan tushadigan mablag'lar yo'q. Aniq raqamlarni oshkor qila olmayman, ammo “Barselona” ko'p pul ishlashni to'xtatdi.

Qo'limizdan kelganini qilamiz. O'ylaymizki, mavsumdagi to'xtalish 60 kun davom etadi, lekin harakatlarimiz umidsizlik choralari emas.

Evropaning boshqa yirik klublari ham shunday qilmoqda – “Bavariya”, “Lion”, “Yuventus”, deydi Bartomeu.