"Barselona"da inqiroz. Stadion nomining sotilishidan so'ng klub "CHelsi"ga Koutinoni xarid qilishni taklif qildi

Kataloniyaliklar o'yinchidan uni sotib yuborish orqali qutulishmoqchi. Koutino ayni damda ijara asosida "Bavariya"da o'ynamoqda.

Londonning "CHelsi" klubi "Barselona"dan Koutinoni xarid qilish bo'yicha taklif oldi. "Aristokratlar" bungacha o'yinchiga qiziqish bildirayotgan edi.

Braziliyalik futbolchining kataloniyaliklar bilan tuzgan shartnomasi 2023 yilga qadar mo'ljallangan. "Bavariya"ga ijaraga berilgan futbolchi yozda klubga qaytib keladi.

Eslatib o'tamiz, bundan oldin "Barselona" bir yilga "Kamp Nou"ning nomini sotishi malum bo'lgan edi. Undan oldin esa ko'p jamoalarda bo'lgani kabi futbolchilarning 70% maoshi tushirilgan edi.