"Barselona" Fatini 100 million evroga sotmadi

Bu haqda prezident Jozep Bartomeu klub rahbariyati yig'ilishida malum qildi. Uning so'zlariga ko'ra, klublardan biri futbolchi uchun 100 million evro taklif qilgan. Ammo, u darhol 17 yoshli o'yinchi sotilmasligini aytgan.

Fati "Barselona" akademiyasiga 2012 yilda "Sevilya" yoshlar jamoasidan kelgan. U "ko'k-anor ranglilar" safidagi debyutini 2019 yil avgustida o'tkazgan.

Asli kelib chiqishi Gvineyadan bo'lgan ispaniyalik bu mavsum barcha turnirlarda 24 ta o'yin o'tkazib, 5 ta gol urdi va 1 ta golli uzatmani amalga oshirdi.

Forvardning shartnomasi 2022 yil iyul oyiga qadar amal qiladi va tomonlar shartnomani yana ikki mavsumga uzaytirishlari mumkin, chunki bu bo'yicha alohida band bor.

Transfermarkt futbolchining narxini 36 million evroga baholamoqda.