"Arsenal" Mudrik uchun "SHaxtyor"ga 50 million evro va bonuslar taklif qildi

"Arsenal"ning Mixail Mudrik bo'yicha taklifi tafsilotlari malum bo'ldi.

Oldinroq "kanonirlar"ning barcha bonuslar bilan yaxshilangan taklifi 70 million evro ekanligi aytilgandi.

Insayder Fabricio Romanoning so'zlariga ko'ra, bu summaga 50 million evro kafolatlangan to'lov va boshqa bonuslar kiradi. Hozirda klublar transfer bo'yicha to'g'ridan-to'g'ri muzokaralar olib bormoqda.

Agar ukrainalik futbolchining transferi amalga oshmasa, "CHelsi" bu masalaga aralashmoqchi.

Ushbu mavsumda vinger UPLda 12 ta o'yinda maydonga tushib, 7 ta gol urdi va 7 ta golli uzatmani amalga oshirdi. SHuningdek, u CHempionlar Ligasining 6 o'yinida 3 ta gol urdi va 2 ta golli pas uzatdi.