Anchelotti Benzemaning "Real"ga ehtimoliy qaytishi haqida gapirdi

"Karim Benzemaning "Real"ga qaytishi haqidagi xabar to'g'ri emas. Bu yolg'on xabarlar. Men klub bilan Karim Benzema va uning ehtimoliy qaytishini gaplashmadim", — deydi Anchelotti.

Oldinroq, Madridning "Real" klubi bosh murabbiyi Karlo Anchelottining "qaymoqranglilar" rahbariyatidan "qirollik klubi" sobiq hujumchisi Karim Benzemaning qaytishini so'rayotgani xabar qilingandi.

Eslatib o'tamiz, Benzema o'tgan yozda erkin agent maqomida "Al Ittihod"ga o'tgandi. Forvard joriy mavsum barcha musobaqalarda 24ta o'yinda maydonga tushib, 15ta gol va 5ta assist qayd etdi. O'yinchining Saudiya Arabistoni klubi bilan shartnomasi 2026 yilning iyun oyi so'nggiga qadar mo'ljallangan. Transfermarkt futbolchini 15 million evroga baholamoqda.