Aleksandr Krestinin: "G'alabalar vaqti keldi"

- Ilk navbatda muxlislarni g'alaba bilan tabriklayman. Ular nafaqat uyda, balki, safarda ham bizni qo'llab-quvvatlashmoqda. Yigitlardan minnatdorman. Bu juda muhim 3 ochko edi. Raqib juda qiyin jamoa edi. "Andijon" maydonida doimo muxlislar jamoani fantastik ravishda qo'llab turishadi. Jamoa mamlakat kubogi finaliga chiqdi. Qiyin o'yin bo'ldi, biroq yigitlarga gap yo'q. Haqli ravishda 3 ochkoni oldik.

- Jamoa boshqaruviga kelganingizdan keyin ilk natijalar yaxshi bo'lmagandi. SHunda Siz jamoaning o'yini yaxshilanmoqda, natijalar ham keladi degandingiz. So'nggi ikki turda g'alabani ko'rdik. Jamoada nimalarni o'zgartirdingiz?

- G'alabalar ishonch evaziga keladi. Yigitlar sifatli va chin yurakdan shug'ullanishmoqda, bu borada muammolar yo'q. Ruhiy tomondan bugun g'alaba juda kerak edi. Va mana g'alabalar vaqti keldi.

- Ikkinchi bo'limda "Andijon" to'pga ko'proq egalik qildi.

- Gol urib olganimizdan keyin noto'g'ri o'ynay boshladik. Bunday reja qilmagandik aslida. Urilgan goldan o'tkazib yuborilgan golgacha bo'lgan o'yin rejamizda bo'lmagandi. Gol o'tkazib yuborgandan keyin yana o'ynashni boshladik. Gol urganimizdan keyin raqib posboni to'p bormaganidan sovqatib ham qoldi. Rejada bo'lmagan ko'rsatilgan o'yindan chiqib keta oldik. 

- "Lokomotiv" o'yinning qaysi jihatlari bo'yicha "Andijon"dan ustunlik qildi. Men futbol eksperti emasman, lekin bugun g'alaba uchun ayyor taktika qilindi deb hisoblayman.

- SHu ayyor taktika uchun ham ishlash kerak. Biz bitta ko'proq gol urdik va bitta kamroq gol o'tkazib yubordik. Ikkala jamoa ham kurashdi. Bu erda holatni mayda detallarga qarab taxlil qilish kerak bo'ladi.