"Akalarimning gaplariga quloq solishim kerak edi" – Songa musht tushirishga uringan Li Kan In uzr so'radi

Avvalroq, Son Xyon Min va Li Kan In o'rtasidagi nizo haqida xabar bergandik. Terma jamoa ovqatlanayotgan paytda stol tennisi o'ynab, shovqin ko'targan yosh futbolchilarga tanbeh bermoqchi bo'lgan Son Xyon Minga PSJ futbolchisi Li Kan In qo'l ko'tarishga uringan va yakunda Sonning qo'li shikastlangandi. Ushbu holatga vaziyatning asosiy qahramonlaridan biri Li Kan In munosabat bildirdi va barchadan uzr so'radi.

"Salom. Bu Li Kan In.

Osiyo kubogi yarim final o'yinidan oldin Son Xyon Min bilan janjallashganimiz haqidagi yangiliklarni ko'rdim.

Futbol muxlislarining xafsalasi pir bo'lishiga sababchi bo'ldik. Bundan juda afsusdaman. Men o'sha vaziyatda o'zimni qo'lga olishim va akalarim aytgan gaplarga quloq solishim kerak edi. Afsuski, men o'zimni yomon tomondan ko'rsatdim. Kimni hafa qilgan bo'lsam, ulardan uzr so'rayman. Muxlislar mendan nima kutishlarini yaxshi anglayman.

Bugundan boshlab jamoadagi do'stlarimga yordam berishga, eng yaxshi futbolchi va inson bo'lishga vada beraman", -deb yozadi Li Kan In.

Malumot uchun, Koreya Respublikasi Osiyo kubogi yarim final o'yinida Iordaniyaga imkoniyatni boy berib, musobaqa bilan xayrlashgandi.

Dahshat! Iordaniyaga qarshi o'yindan oldin koreyalik futbolchi Son Xyon Minga musht tushirishga uringan